Moskvaning “Torpedo” klubi futbolchisi Hojimat Erkinov “Paxtakor”ga qaytdi.
“Paxtakor” tarbiyalanuvchisi hisoblangan Hojimat ijara asosida klub sharafini himoya qiladi. Erkinov 2020, 2021 va 2022-yillarda “sherlar”ning chempionligiga hissa qo‘shgan. “Paxtakor” tarkibida Superligada 37 ta o‘yinda ishtirok etib, 6 ta gol muallifiga aylangan. Chempionlar Ligasida esa 13 ta o‘yinda 2 ta golni o‘z hisobiga yozdirib qo‘ygan.
Hojimat Erkinov 2022-yilning iyul oyida “Torpedo” safiga qo‘shilgan edi.
Hojimat faoliyati davomida “Paxtakor”dan tashari, “Qo‘qon-1912” va “OKMK” kabi jamoalarda to‘p surgan.
Eslatib o‘tamiz, Hojimat Erkinov prezident Shavkat Mirziyoyev farmoni bilan “Kelajak bunyodkori” medali bilan taqdirlangan. Shuningdek, O‘zbekiston U-23 terma jamoasi sardori, yarim himoyachi Jasur Jaloliddinov va hujumchi Husayn Norchayev ushbu sovringa loyiq ko‘rilgan.
Izoh (0)