Футбол бўйича Ўзбекистон Суперлигасининг 9-туридан ўрин олган учрашув 10 май, шанба куни бўлиб ўтди.
Учрашувнинг 38-дақиқасида Авазбек Ўлмасалиев ўз дарвозасига тўп киритиб қўйди. Биринчи бўлим қўқонликларнинг ғалабаси билан якунланди.
Иккинчи бўлимда эса ҳар икки жамоа ҳам фаол ўйин ўтказди. 73-дақиқага келиб “ОКМК” ҳисобни тенглаштирди. Яна Авазбек Ўлмасалиев, фақат бу сафар у рақиб дарвозасини ишғол қилди. 81-дақиқага келиб эса Асадбек Собиржонов ҳисобни оширди. Орадан 6 дақиқа ўтар-ўтмас Собижонов дубль қайд этиб, жамоасининг ғалабасини таъминлади.
Шундай қилиб, олмалиқликлар кетма-кет иккинчи бор камбек қилиб, уч очкони ҳисобларига қўшиб олди.
Ушбу ғалаба билан “ОКМК” 22 очко билан 1-ўринни эгаллаб турибди. Қўқонликлар эса 12 очко билан 6-поғонадан жой олган.
Суперлига
9-тур
10 май, шанба
“Қўқон-1912” — “ОКМК” 1:3
Голлар: 1:0 – 38, Авазбек Ўлмасалиев (автогол), 1:1 – 73, Авазбек Ўлмасалиев, 1:2 – 81, Асадбек Собиржонов, 1:3 – 87, Асадбек Собиржонов.
“Қўқон-1912” — Азиз Исақов, Аслиддин Тоштемиров (Иқбол Маликжонов, 19), Жасур Ёқубов, Алишер Салимов, Шота Гвазава (Жавоҳир Ҳусанов, 88), Бахтиёр Қосимов, Шаҳзод Бешимов (Баҳром Абдураҳимов, 88), Жасур Холтўраев (Егор Кондратюк, 65), Шаҳзод Акрамов, Муҳаммаданас Ҳасанов, Андро Гиоргадзе.
“ОКМК” — Ҳумоюншоҳ Сайётов, Миржамол Қосимов (Асад Собиржонов, 64), Аваз Ўлмасалиев, Дилшод Аҳмадалиев, Клейди Даци (Азиз Холмуродов, 46), Хуршид Ғиёсов, Ойбек Рустамов, Аҳмадулло Муқумжонов (Наоаки Сенага, 64), Ислом Тўхтахўжаев, Арихиро Сентоку (Рубен Санчес, 46), Нодир Абдураззоқов.
Изоҳ (0)