Xorazm viloyati Hazorasp tumanida uch qavatli savdo do‘konida yong‘in chiqdi. FVV holat yuzasidan ma’lumot berdi.
Unga ko‘ra, 17-aprel kuni soat 16:04 da Xorazm viloyati FVBga Hazorasp tumani, “Temirchi Maskan” MFYda joylashgan 3 qavatli savdo do‘konida yong‘in ro‘y bergani to‘g‘risida xabar qilingan.
Yong‘in-qutqaruv ekipajlari soat 16:11 da yong‘in joyiga yetib borib, soat yong‘in 16:39 da o‘rab olingan va soat 17:10 da o‘chirilgan. Yong‘in natijasida savdo do‘konning 280 kv.m maydonda tomi, shifti va ichki qismi hamda jihozlari yonib zararlangan. Tezkor harakatlar natijasida savdo do‘konining 200 kv.m maydoni yong‘indan saqlab qolingan.
Hodisa sababi va zarari aniqlanmoqda. Yong‘in natijasida tan jarohati olgan va vafot etganlar qayd etilmadi.
Hodisa joyiga 5 ta yong‘in-qutqaruv ekipaji va 2 ta yordamchi suv tashish texnikasi jalb etilgan.
20-noyabr kuni Toshkent shahar Mirzo Ulug‘bek tumani, “Lashkarboshi” MFY Niyozbek yo‘li ko‘chasida joylashgan umumiy ovqatlanish joyining dudburonida yong‘in sodir bo‘ldi.
31-dekabr kuni Chilonzor tumanidagi ovqat tayyorlash joyida yong‘in sodir bo‘lgan edi.
2025-yil 25-fevral kuni Toshkent shahrining Yashnobod tumani, Aviasozlar 4-dahasida joylashgan avtomobillar yuvish joyida yong‘in sodir bo‘lgandi.
Izoh (0)