Qoraqalpog‘istonning To‘rtko‘l tumanida yuk mashinasi yonilg‘i bakini payvandlash oqibatida portlash yuz berdi. Holat aks etgan videolar ijtimoiy tarmoqlarda tarqaldi.
Qoraqalpog‘iston Respublikasi Favqulodda vaziyatlar boshqarmasi matbuot xizmatining ma’lum qilishicha, hodisa 21-mart kuni soat 13:50 atrofida “Guliston” MFY hududidagi ustaxonada MAN yuk avtomobili yonilg‘i bakini payvandlash ishlari olib borishi oqibatida yuz bergan.
Buning oqibatida MAN va Ford avtomobillari to‘liq, DAF rusumli avtomobilning orqa shinalari yong‘indan zararlangan. 1998-yil va 1980-yil tug‘ilgan To‘rtko‘l tumanida yashovchi ikki fuqaro tan jarohati olib, tuman tibbiyot birlashmasiga yotqizilgan. Vafot etgan fuqarolar yo‘q.
Qayd etilishicha, moddiy zarar surishtiruvlar davomida aniqlanadi.
Yuk mashinalari ishtirokida yuz bergan hodisalar
11-mart kuni Toshkent viloyati Angren shahrida yuk tashuvchi mashina yonib ketgandi. 14-mart kuni Nukus shahrida propan gaz tashuvchi MAN yuk mashinasi ag‘darilib ketdi. 19-mart kuni Andijon viloyatining Asaka tumanida elektr simlaridan chiqqan qisqa tutashuvi natijasida “ZIL-130” yuk mashinasida yong‘in chiqqandi.
Izoh (0)