Afg‘onistonda 16-aprel kuni soat 04:14 da sodir bo‘lgan zilzila O‘zbekistonning qator hududlarida sezildi. Bu haqda Seysmoprognostik monitoring Respublika markazi xabar berdi.
Magnitudasi 6,3 balli zilzilaning episentrda sezilish kuchi 4 ballni tashkil etgan.
O‘zbekistonning quyidagi hududida sezildi:
- Surxondaryo viloyatida — 4 ball,
- Farg‘ona viloyatida — 3 ball,
- Samarqand viloyatida — 3 ball,
- Jizzax viloyatida — 3 ball,
- Sirdaryo viloyatida — 3 ball,
- Qashqadaryo viloyatida — 3 ball,
- Andijon viloyatida — 3 ball,
- Namangan viloyatida — 3 ball,
- Toshkent shahrida — 2 ball.
Afg‘onistonda shu kuni soat 4:28 da yana zilzila qayd etildi. 4,2 magnitudali zilzila kuchi O‘zbekiston hududida sezilmagan.
O‘zbekistonda so‘nggi oylarda sezilgan zilzilalar
14-aprel kuni Qirg‘izistonda sodir bo‘lgan 3,8 magnitudali zilzila kuchi O‘zbekistonning Xo‘jaobod, Qo‘rgontepa, Jalaquduq, Buloqboshi, Xonobod, Marhamat, Andijon, Asaka tumanlari va Andijon shahrida 2-3 balldan sezilgandi. 13-aprel kuni Tojikistonda sodir bo‘lgan zilzila Farg‘ona, Namangan, Sirdaryo, Andijon, Jizzax, Samarqand, Surxondaryo viloyatlari va Toshkent shahrida 2-3 balldan sezildi. Ushbu zilzila oqibatida Tojikistonda uch yoshli bola devor bosib qolishidan halok bo‘ldi.
Izoh (0)