Qozog‘istonda 28-mart kuni 5,5 balli zilzila qayd etilgani munosabati bilan favqulodda holat e’lon qilindi. Favqulodda vaziyatlar vazirligi yer silkinishlari yuzasidan yig‘ilish o‘tkazdi.
Ichki ishlar vaziri birinchi o‘rinbosari Azamat Mambetov yuqori tayyorgarlik rejimini qo‘llab-quvvatlash bo‘yicha topshiriq berdi. Zilzila soat 03:42 da qayd etilgan va epitsentrda 5,5 ballga yetgan.
Zilzila Qirg‘izistonning Talas viloyatidagi Kopur-Bozor qishlog‘ida 5 ball, Chuy viloyati va Bishkek shahrida 4 ball atrofida sezilgan.
Hozirda zilzila oqibatlari yuzasidan surishtiruv ishlari olib borilmoqda. Jabrlanganlar va vayronagarchiliklar haqida ma’lumot yo‘q. Mamlakat Favqulodda vaziyatlar vazirligi zilzila munosabati bilan tezkor shtab tashkil etdi.
Ma’lumot o‘rnida, Qozog‘iston Favqulodda vaziyatlar vazirligi dastlab zilzila 6 magnitudali bo‘lganini xabar qilgan edi. O‘zbekiston Seysmoprognostik monitoring markazi esa Qozog‘istonda 5,2 magnitudali zilzila kuzatilganini ma’lum qilgan.
O‘z navbatida, Qirg‘izistonda 28-mart kuni soat 06:17 da 5 balli zilzila sodir bo‘lgan. Uning kuchi O‘zbekistonda ham sezilgan. Jumladan, Namangan viloyatining Yangiqo‘rg‘on, Kosonsoy, Chortoq tumanlarida 2 balli yer silkinishlari qayd etilgan.
Izoh (0)