“Manchester Siti” yozgi transfer oynasida tarkibni kuchaytirish rejasini boshladi. Bu haqda insayder jurnalist Fabrisio Romano xabar bermoqda.
Romano bergan ma’lumotlarga ko‘ra, “shaharliklar” yangi o‘ng qanot himoyachisini xarid qilishni maqsad qilgan. Klubning sport direktori ayni paytda bu pozitsiyani kuchaytirish uchun bir nechta nomzodlarni ko‘rib chiqmoqda. Ammo hozircha ushbu futbolchilarning nomi oshkor qilinmagan.
Avvalroq klub yarim himoyachisi Niko O’Rayli klub bilan yangi uzoq muddatli shartnoma imzolashni istayotgani haqida xabar qilingan edi. Boisi Pep Gvardiola futbolchini qanot himoyasida sinab ko‘rishni maqsad qilgan.
Ma’lumot uchun, “Manchester Siti” joriy mavsum kutilgan natijalarni ko‘rsata olmayapti. “Shaharliklar” Chempionlar Ligasida Madridning “Real” jamoasiga imkoniyatni boy berib, musobaqani tark etdi. Jamoa hozirda Angliya Premyer Ligasida 5-o‘rinni egallab turibdi.
Izoh (0)