Angliya kubogi chorak final doirasidagi “Bornmut” — “Manchester Siti” jamoalari o‘rtasidagi bahs yakuniga yetdi. Uchrashuvda “shaharliklar” 2:1 hisobida g‘alaba qozondi.
O‘yindagi hisob 21-daqiqada Evanilson tomonidan ochildi. 49-daqiqada Erling Holand hisobni tenglashtirdi. 63-daqiqada Omar Marmush “Siti”ning o‘yindagi 2-golini kiritdi. Mazkur hisob uchrashuv oxirigacha o‘zgarmadi va Pep Gvardiola boshchiligidagi jamoa Angliya kubogi yarim finaliga yo‘llanmani qo‘lga kiritdi.
Uchrashuvning asosiy daqiqalaridan maydonga tushgan Abduqodir Husanov ikkinchi taym boshida almashtirildi. O‘zbekistonlik himoyachi uchrashuvning 37-daqiqasida hakam tomonidan ogohlantirildi.
Ma’lumot uchun, yarim finalda “Manchester Siti”ga “Nottingem Forest” raqiblik qiladi.
Angliya kubogi
30-mart, yakshanba
Chorak final
“Bornmut” — “Manchester Siti” 1:2
Gollar: 1:0 — Evanilson (21), 1:1 — Holand (49), 1:2 — Marmush (63)
“Bornmut”: Arrisabalaga, Soler (Hill, 57), Senesi (Jebbison, 85), Zabarniy, Kuk, Adams, Kristi (Smit, 73), Bruks (Uattara 57), Semeno, Klyuyvert, Evanilson (Skott, 73).
“Manchester Siti”: Ederson, Gvardiol, Ruben Diash, Husanov (O’Rayli, 45), Mateush Nunesh, Gyundog‘an (Jeyms, 83), Kovachich (Niko, 83), Foden (Grilish, 69), Bernardu Silva, de Bryuyne, Holand (Marmush, 61).
Amalga oshirilmagan penalti: Holand, 14
Izoh (0)