Apple kompaniyasining flagman smartfoni iPhone 17 Pro’ning dizayni ilgari taxmin qilinganidek, o‘tmishdoshidan jiddiy farq qilmaydi. Bu haqda Bloomberg sharhlovchisi Mark Gurman ma’lum qilgan.
Muallif ta’kidlashicha, u 17-seriyada Pro-versiya ko‘rinishida keskin o‘zgarish kutmayapti, chunki u oldingi modelga juda o‘xshash bo‘lib qoladi. Uning aytishicha, orqa panel baribir o‘zgarishlarga uchragan, model telefonning yuqori qismida gorizontal joylashgan to‘liq o‘lchamli to‘rtburchak kamera moduli bilan ajralib turadi. Ushbu yangilik avvalgi kvadrat shaklidagi videokameralar blokining o‘rnini egallaydi.
Butun 17-seriyaning asosiy farqi turli rangdagi korpuslardan ajralib turadigan to‘g‘ri burchakli qora kamera moduli bo‘lishi kutilgan edi. Biroq Gurman kompaniyadagi manbalarga asoslanib, Apple dizaynni o‘zgartirgani va kamera moduli korpus bilan bir xil rangda qolishini ma’lum qildi.
Bundan tashqari, Apple 17-seriyani Air deb nomlangan o‘ta yupqa modifikatsiya bilan to‘ldiradi. Ushbu model uncha mashhur bo‘lmagan Plus versiyasining o‘rnini egallashi kerak. Gurmanning so‘zlariga ko‘ra, umuman olganda, tub o‘zgarishlarni 2027-yilga, ya’ni original iPhone’ning 20 yillik yubileyiga qadar kutish kerak bo‘ladi.
Izoh (0)