Apple iOS 18.4 yangilanishini chiqargandan so‘ng foydalanuvchilarning ommaviy tanqidiga uchradi. Bu yangilanish iPhone akkumulyatorlari ishlashining yomonlashgani haqida ommaviy shikoyatlarga sabab bo‘ldi. Bu haqda Daily Mail xabar bermoqda.

Yangilanish bilan iPhone foydalanuvchilari ko‘plab yangi imkoniyatlarga, jumladan, yangi emojilar va Apple Intelligence sun’iy intellektga asoslangan funksiyalarga ega bo‘lishdi. Biroq, operatsion tizimning yangi versiyasini o‘rnatgan foydalanuvchilar energiya iste’moli bilan bog‘liq jiddiy muammolardan ommaviy ravishda shikoyat qilmoqda.
Foydalanuvchilar yangilanish o‘rnatilgandan so‘ng akkumulyatorning ishlash vaqti keskin qisqarganidan ijtimoiy tarmoqlarda norozilik bildira boshlagan. Xususan, X foydalanuvchisi @OldAppleTech akkumulyator holatini “mutlaqo dahshatli” deb ta’rifladi.
iPhone’ning boshqa egalari esa akkumulyatorning qoldiq quvvati 87 foizdan 79 foizga tushib ketgani va qurilmani har kuni bir necha marta quvvatlantirish zarurligi haqida shikoyat qilib, o‘z noroziligini bildirmoqda.
Apple kompaniyasi yangilanishdan so‘ng qurilmaning normal ishlashini bir necha kun kutish kerakligini bir necha bor ta’kidlagan. Ular akkumulyatorning tez sarflanishini qurilmaning faol ishlashi va tizimning optimallashtirilishi jarayoni bilan izohladi.
Izoh (0)