Counterpoint Research tadqiqot kompaniyasi 2024-yilda dunyo bo‘ylab smartfonlar savdosi va reytingi haqida ma’lumot berdi. So‘nggi bir yil ichida gadjetlar bozorining savdosi 2023-yilgi ko‘rsatkichdan 4% ga o‘sdi.
-8weQGMuH.png)
Janubiy Koreyaning Samsung kompaniyasi global miqyosdagi eng ko‘p sotilgan smartfonlar top-10 talik ro‘yxatda beshta o‘rinni egallab, yetakchilikni saqlab qoldi va bozorning 19% ulushiga ega bo‘ldi. Bunga A seriyasidagi modellarga va S24 flagman liniyasiga bo‘lgan yuqori talab sabab bo‘ldi.
Apple kompaniyasi 18% ulush bilan ikkinchi o‘rinni egalladi. iPhone 16 seriyasi taqdimoti Apple Intelligence funksiyasining dastlab mavjud emasligi sababli ham yaxshi, ham negativ fikrlarni keltirib chiqardi. Shunga qaramay, kompaniya Lotin Amerikasi, Afrika va Osiyo hamda Tinch okeani mintaqasidagi bozorlarda barqaror o‘sishni ko‘rsatdi. Natijada iPhone 15 modeli 2024-yilning uchinchi choragida dunyo bo‘ylab eng ko‘p sotilgan smartfonga aylandi.
Rivojlanayotgan bozorlarda iste’molchilar iPhone’ning so‘nggi modellarini tanlayapti. Bu o‘z navbatida, Apple’ning savdo hajmini oshirmoqda. Ushbu tendensiya moliyalashtirish sxemalari va ayirboshlash takliflari bilan yanada qo‘llab-quvvatlanmoqda, bular daromadi pastroq bo‘lgan odamlar uchun ham iPhone’ning eng yangi modellarini sotib olish imkonini beradi.
Uchinchi o‘rinni Xiaomi egalladi, u 2024-yilda yetakchi beshta brend orasida eng yuqori o‘sish sur’atlarini namoyish etdi. Xiaomi’ning Redmi 13C modeli, o‘tgan yilgi Redmi 12C o‘rnini egallagan holda, arzonligi va rivojlanayotgan bozorlardagi o‘rni tufayli ketma-ket ikkinchi chorak davomida ro‘yxatdagi o‘rnini saqlab qoldi. Keyingi o‘rinlarda Oppo va Vivo kompaniyalari o‘rin oldi.
Eng yaxshi brendlar beshtaligi o‘zgarmay qoldi, ammo ularning bozordagi ulushi Huawei, Honor va Motorola kabi kompaniyalar tomonidan kuchaygan raqobat tufayli qisqardi.
Izoh (0)