Apple kompaniyasi 599 dollardan boshlanadigan hamyonbop iPhone 16e modelini taqdim etdi. U bugungi kunda iPhone 16 lineykasidagi so‘nggi smartfon hisoblanib, “arzonroq narxda kuchli imkoniyatlarni” taklif qiladi.
Taxminlarga ko‘ra, yangi model iPhone SE’ning avvalgi arzon versiyasi o‘rnini egallaydi. Apple qurilmani modernizatsiya qilib, “uy” tugmasini olib tashladi va Face ID’li kattaroq ekranni qo‘shdi. Yangi model iPhone 16 va iPhone 16 Plus kabi A18 chipiga ega. Qurilma, shuningdek, Apple Intelligence sun’iy intellekt tizimini qo‘llab-quvvatlaydi. Orqa panelda bitta kamera joylashgan.
-q4x9s_Iz.jpg)
Yangi iPhone 16e so‘nggi premium modellar kabi sozlanadigan Action tugmasini, shuningdek, oflayn rejimda SMS yuborish va favqulodda xizmatlarga kirish uchun sun’iy yo‘ldosh tarmoqlariga ulanish imkoniyatini o‘z ichiga oladi.
Kompaniya yangi gadjetning batareya quvvati bir kunga yetishiga ishontirdi. U iPhone 11’ga qaraganda olti soatgacha va barcha avlod iPhone SE’lariga qaraganda 12 soatgacha uzoqroq ishlaydi, deya ta’kidladi Apple.
Yangi qurilma 128, 256 va 512 gigabaytli, shuningdek, oq va qora rangli versiyalarda taqdim etiladi. Bu Apple’ga qurilmani Yevropa ittifoqida sotish imkoniyatini beradi — mintaqadagi gadjet ishlab chiqaruvchilardan aynan shunday portdan foydalanish talab etiladi. Oldingi iPhone SE modelida esa Lightning ulagichi mavjud edi, yangisi Type-C’ni qo‘llab-quvvatlaydi.
iPhone 16e modelida iPhone 16 lineykasidagi foydalanuvchilarga manzur xususiyatlar: uzoq vaqt avtonom ishlash, eng so‘nggi avlod A18 chipi asosidagi yuqori samaradorlik, “ikkisi birda” innovatsion kamera tizimi va Apple Intelligence bor, deya ta’kidladi Apple kompaniyasining iPhone marketing bo‘yicha vitse-prezidenti Kayann Drans.
Yangilanish doirasida iPhone SE va iPhone 14 modellarining ishlab chiqarilishi to‘xtatildi.
Izoh (0)