Amerikaning Apple korporatsiyasi bahorgi katta taqdimoti doirasida ingichka korpus va M1 protsessoriga ega yangi iMac kompyuterlarini taqdim etdi. Taqdimot 20-aprel kuni kompaniyaning YouTube’dagi rasmiy kanali orqali amalga oshirilgan.
Qurilma qalinligi 11,5 millimetrni tashkil etadi. Kumush rangiga yana olti xil rang qo‘shilgan: sariq, korall, qizil, binafsha, yashil va ko‘k. iMac 24 dyuymli 4,5K-displey, FaceTime HD-kamera, ovoz studiyasiga xos mikrofon va oltida dinamikdan iborat ovoz tizimiga ega bo‘lgan.
Shuningdek, kompyuterlarda birinchi bor Touch ID funksiyasi paydo bo‘lgan, masalan, to‘lovlar avtorizatsiyasini barmoq izi yordamida amalga oshirsa bo‘ladi. U Apple klaviarturasiga o‘rnatilgan bo‘lib, uni ham yangi iMac’lar rangiga mos ravishda xarid qilish mumkin.
Yangi iMac kompaniyasining o‘zini protsessoriga ega bo‘lgan birinchi monoblokka aylandi. Bunga qadar M1 MacBook Air, MacBook Pro va Mac Mini’ga o‘rnatilgan. Monoblok to‘rt xil rangda 1299 dollar qiymatida sotuvga chiqadi, yetti xil rangli va qo‘shimcha opsiyalarga ega versiyasini esa 1499 dollardan xarid qilish mumkin. Buyurtmalarni qabul qilish 30-apreldan boshlanadi. Yetkazib berish mayning ikkinchi yarmiga rejalashtirilgan.
Apple, shuningdek, taqdimot davomida iPadPro planshetlarining beshinchi avlodini namoyish etgan bo‘lib, unga ham M1 protsessori o‘rnatilgan. Qurilma tashqi ko‘rinishi jihatidan o‘zgarmagan bo‘lib, uning 11 va 12,9 dyuymli versiyalari taqdim etiladi. Katta iPadPro’ning matritsasi miniLED inqilobiy texnologiyasi asosida yaratilgan.
Maksimal ichki xotirasi 2 terabaytga yetadi, USB-C porti esa Thunderbold4’ni qo‘llab-quvvatlaydi.
iPadPro planshetlari beshinchi avlod aloqa tarmoqlari bilan ishlay oladi. Yana bir yangilik — frontal kamerasi 12 megapikselni tashkil etgan. Qurilmaning 11 dyuymli versiyasini 800 dollarga, 12,9 dyuymlisini esa 1099 dollarga oldindan buyurtma qilish mumkin.
Bundan tashqari, Apple iPhone 12’ni yangi rangda — binafsha rangida taqdim etdi. U o‘z lineykasidagi smartfonlardan rangidan boshqa hech qanday jihati bilan ajralmaydi. Gadjetning narxi ham avvalgidek.
Shuningdek, Apple o‘zining birinchi “aqlli” tamg‘asini ham taqdim etgan bo‘lib, u xarita orqali boshqa buyumlar joylashgan o‘rnini ko‘rsata oladi. Gadjet Apple qurilmalariga o‘rnatilgan “Lokator” dasturi orqali ishlaydi.
Kompaniyadagilarning va’da qilishicha, qurima maxfiylik siyosatiga rioya qiladi va uning yordamida odamlarni kuzatish mumkin emas. AirTags 29 dollar qiymatida 23-apreldan AQShda sotuvga chiqadi.
Izoh (0)