5G, qo‘shimcha kameralar va simsiz quvvatlantirgich — smartfonlardagi foydasiz funksiyalar

Smartfoningizdagi qaysi xususiyatlar siz uchun kerak emasligini aniqlashtirib olamiz.

5G tarmog‘ini qo‘llab-quvvatlash

2020-yildan boshlab smartfonlar bozorida beshinchi avlod uyali aloqa standartlarini qo‘llab-quvvatlaydigan gadjetlar paydo bo‘la boshladi. Albatta, ularning narxi 5G bo‘lmagan shunga o‘xshash gadjetlarga qaraganda qimmatroq.

Ammo ko‘pgina mamlakatlarda, shu jumladan, Qo‘shma Shtatlarda ham 5G faqat bir nechta shaharlarda ishlaydi va aholining ko‘pchiligi bundan foydalana olmaydi. Shu sababli ham smartfonning 5G’ni qo‘llab-quvvatlashi ko‘pchilik uchun foydasiz imkoniyat bo‘lib, uni sotib olgandan so‘ng darhol o‘chirib qo‘yish mumkin.

Imo-ishora nazorati

Qancha foydalanuvchilar o‘z smartfonlarini boshqarish uchun imo-ishoralardan foydalanadi? Ko‘pchilik emas, chunki bu noqulay. Aksariyat smartfonlar bu nazorat usulini qo‘llab-quvvatlaydi, lekin u yaxshi tatbiq etilmagan. Ko‘pincha, qurilma qo‘l harakatlarini noaniq, ba’zan esa o‘z vaqtida taniy olmaydi.

Gadjet bilan ishlashning bunday usuli smartfondan foydalanishda qulaylik yaratmaydi.

Qo‘shimcha kameralar

So‘nggi ikki yildagi eng zerikarli tendensiyalardan biri — to‘rt kamerali modullarning smartfonlarga qo‘shilishi bo‘ldi. Aksariyat brendlar, Xiaomi’dan Samsung’ga qadar to‘rtta kameraga ega bo‘lish bilan ustunlik qilish uchun shu yo‘lni tanlashdi, lekin uning o‘rniga asosiy, keng burchakli yoki makro linzalarning sifatini yaxshilash mumkin edi.

“Smartfonlardagi eng keraksiz narsa bu — bir vaqtning o‘zida bir nechta kameraga ega bo‘lishi. Yaxshi suratga olish uchun bitta yuqori sifatli kamera va bir juft datchiklar kifoya qiladi, qolgan hamma narsa esa uskunalarning narxini ko‘tarish uchun mo‘ljallangan”, — deydi AMarkets tahlil bo‘limi boshlig‘i Artem Deyev.

Video va foto effektlar

Ba’zi smartfonlarda kameralar juda ko‘p ish qilishi mumkin va ba’zi xususiyatlar qurilmadan foydalanish jarayonida oddiy foydalanuvchi uchun hech qachon kerak bo‘lmaydi. Bularga super sekinlashtiruvchi harakat tasviri va HDR video kiradi.

Bir paytlar Sony sekinlashtiruvchi harakat effektini o‘z qurilmalariga olib kirdi, shundan so‘ng bu narsa trendga aylandi. Biroq mazkur funksiya smartfonga nima uchun kerakligini hech kim tushuntirib berolmadi.

SankiTechnicals ta’kidlaganidek, HDR videolari odatdagidan ko‘ra sifatli bo‘lishi kerak, lekin bu farq oddiy smartfon ekranida ko‘rinmaydi.

So‘nggi paytlarda smartfonlarda yana bir foydasiz funksiya paydo bo‘la boshladi — 4K dan unchalik farq qilmaydigan 8K piksellar sonida suratga olish. Ammo bunga nisbatan ko‘p operativ xotira talab qilinadi va smartfon narxini sezilarli darajada oshiradi.

Aylanuvchi ekran

Yuqori aniqlikdagi 4K displeylar ham bu borada yordam berolmaydi. Buning sababi oddiy — inson ko‘zlari kichik telefon displeyida Full HD + va 4K o‘rtasidagi farqni sezmaydi.

Simsiz quvvatlantirgich

Gap shundaki, quvvatlantirgich aslida simsiz emas, hali ham telefonni elektr manbayiga ulash uchun sim kerak. Biroq kamchilik faqat shugina emas: simsiz quvvatlantirgich odatdagidan sekinroq ishlaydi.