iPhone 13 Pro Max dunyodagi eng yaxshi kamerali telefonlar uchligiga kirdi, Xiaomi 12S Ultra esa 5-o‘rindan 7-o‘ringa tushib ketdi
DxOMark mutaxassislari vaqti-vaqti bilan reytinglarni qayta ko‘rib chiqadi va har safar gadjetlarning ko‘rinishi, shaffofligiga e’tibor qaratadi. Bu jihatlarga alohida e’tibor qaratilishi bilan birga metodologiya qayta (beshinchi marta) ko‘rib chiqildi. Shuningdek DxOMark mutaxassislari yangi reytingda testlar real hayotdagi suratga olish ssenariylariga o‘xshashini ta’kidladi, ya’ni oddiy foydalanuvchilar uchun kamerani ko‘rib chiqish ma’lumotlari yanada vizual va qimmatli bo‘ladi.
Metodologiya bilan bir qatorda, reyting ham qayta ko‘rib chiqildi va top 10 talikda qiziqarli o‘zgarishlar ro‘y berdi. Masalan, iPhone 13 Pro Max dunyodagi eng yaxshi kameraga ega telefonlar uchligiga kirdi – u avval 137 ballga edi, hozir esa bu ko‘rsatkich 141 ballni tashkil etmoqda. Dunyodagi eng yaxshi kameraga ega telefon — Honor Magic4 Ultra, gadjet o‘z yetakchiligini saqlab qoldi va yana bir ballga ega bo‘ldi.
DxOMark reytingining qayta ko‘rib chiqilishi Xiaomi’ga yoqmadi, chunki gadjetning o‘rni o‘zidan ortda turgan modellarnikidan ham tushib ketdi, Xiaomi 12S Ultra flagmani yangi reytingda birdaniga ikki pog‘onaga: beshinchi o‘rindan yettinchi o‘ringa tushib ketdi. Biroq Samsung Galaxy S21 Ultra 131 ballga emas, 135 ballga ega bo‘ldi.
Ovoz reytingi ham qayta ko‘rib chiqildi. Unda ham Apple kompaniyasi ishlab chiqargan telefonlar yuqori pog‘onaga ko‘tarildi, Xiaomi Mi 10S esa pastga tushdi.
Mavzuga doir:
- LeEco kompaniyasi 75 dollar evaziga iPhone 13 ning klonini taqdim etdi.
- iPhone 13 Pro va Nokia 3310 o‘zaro mustahkamlik sinovida taqqoslandi. Natijalar hayratlanarli bo‘lib chiqdi.
- iPhone 13 Pro Max’ning quvvati uch kungacha yetadi. Yangi test natijalari e’lon qilindi.
- iPhone 13 egalari quvvatlantirishdagi xatolikdan shikoyat qilmoqda.
