Apple naushniklardan fitnes-treker yasaydi

52audio portali AirPods Pro 2 naushniklari va uning keysi renderlari bilan bo‘lishdi. Avvalroq portal tomonidan e’lon qilingan AirPords 2 tasvirlari oxir-oqibat tasdiqlangan edi.

Ma’lumotlarga ko‘ra, naushniklar H1 protsessori uchun System-in-Package (SiP) tizimiga ega bo‘ladi. U faol shovqin so‘ndirish uchun javob beradi. SiP texnologiyasi samaradorlikni oshiradi va energiya tejashga xizmat qiladi.

AirPods Pro 2 musiqani Apple Lossless (ALAC) formatiga o‘zgartirishsiz o‘qiy oladi. Yangi gadjetning sog‘liqni nazorat qilish, masalan, yurak urishi, tana haroratini o‘lchash funksiyalari bo‘ladi.

Barcha iPhone egalari iOS 16 bilan oldinlari faqat Apple Watch egalari uchun mo‘ljallangan “Fitnes” mobil dasturiga ega bo‘ladi. Mazkur brend smartfonlari uchun shagomer mavjud. Agarda yangi AirPods Pro’da rostdan ham yurak urushini kuzatuvchi datchik paydo bo‘lsa, “aqlli” soatlarning foydasi kamayadi.

Naushnik tashqi ko‘rinishi o‘zgarmagan, keysi esa yangicha ko‘rinish olgan. Birinchi avloddan farqli o‘laroq, AirPods Pro 2 keysi dinamik uchun teshikka ega bo‘ladi: u “Lokator” funksiyasining ishlashi uchun zarur. Shu orqali naushnikni ovozi orqali topish mumkin bo‘ladi.

Shuningdek, Apple keysda ikkita teshik uchun joy qoldirgan. Foydalanuvchi naushnikni ko‘tarib yurish uchun unga ip karabin o‘tkazishi mumkin. Yangilangan keysga Lightning o‘rniga USB-C porti o‘rnatiladi. Gadjet kuzda iPhone 14 bilan birga taqdim etilishi kutilmoqda.