Avvalroq Toshkent shahrining Olmazor tumanidagi Qorasaroy ko‘chasida transport vositalari harakati vaqtincha to‘xtatilishi haqida xabar berilgandi. Poytaxt Transport va yo‘l-transport infratuzilmasini rivojlantirish bosh boshqarmasi shu bois ayrim avtobus yo‘nalishlari harakati vaqtincha o‘zgarishini maʼlum qildi.
Jumladan:
- 42-sonli avtobus: Kensoy qo‘rg‘oni – Chorsu savdo markazi (Sag‘bon ko‘chasi orqali);
- 43-sonli avtobus: Yunusobod mavzesi 6-daha – Ftiziatriya instituti (Sebzor ko‘chasi orqali borish, Sag‘bon ko‘chasi orqali qaytish);
- 109-sonli avtobus: Chuqursoy temiryo‘l stansiyasi – Chorsu metrosi (Sebzor ko‘chasi orqali borish, Sag‘bon ko‘chasi orqali qaytish).
Yo‘lovchilardan ushbu o‘zgarishlarni inobatga olib, o‘z safarlarini oldindan rejalashtirishlari so‘raldi.
Ushbu ko‘chaning yopiladigan qismi: Abdulla Qodiriy ko‘chasi bilan kesishgan joydan Nurafshon ko‘chasi bilan kesishgan joygacha.
Ishlarni bajarish muddati: 2025-yil 2-apreldan sentyabr oyigacha.
Toshkent shahrining Mirzo Ulug‘bek tumanidagi O‘zbekiston ovozi ko‘chasi 7/24 ko‘chaga aylanmoqda. Shu munosabat bilan 27-mart kuni soat 7:00 dan 30-aprelgacha O‘zbekiston ovozi ko‘chasining Shastri ko‘chasi bilan kesishmasidan Yahyo G‘ulomov ko‘chasiga qadar qismi vaqtincha avtomashinalar harakati uchun yopilishi aytilgandi.
Izoh (0)