Qashqadaryoda gaz baloni portlashi oqibatida 37 kishining jarohat olishi, elektromobillar importiga qo‘yilishi mumkin bo‘lgan cheklovlar, Prezidentning poytaxtdagi qator hududlarga tashrifi – “Daryo” nashri bugun, 19-martda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Toshkentda Milliy gvardiya formasida yurgan shaxs qo‘lga olindi
Aniqlanishicha, u 1-sonli ruhiy asab kasalliklari dispanserida ro‘yxatda turadi.
Surxondaryoda voyaga yetmagan qizga uylanishini aytib, shilqimlik qilgan yigit 5 sutkaga qamaldi
U qizning qo‘lidan ushlab, mashinasiga o‘tqizmoqchi bo‘lgan.
“Mashina derazasidan uchib chiqib ketganman” — Yo‘l-transport hodisasi tufayli II guruh nogironiga aylangan shifokor ayolga uy berildi
Sobiq shifokor bilan suhbatdan ayon bo‘ldiki, unga hokimlik vakillari uy ajratishda byurokratik to‘siqlarni ro‘kach qilgan, lekin yuqori palataning aralashuvi bilan masala hal etilgan.
DXX Namanganda qalbaki 9,4 ming dollarning muomalaga chiqarilishiga chek qo‘ydi (video)
Gumonlanuvchilar qalbaki valyutalarni sotish maqsadida Qirg‘izistondan olib o‘tgan.
Toshkentda uy-joy ijarasi narxi tushishi davom etmoqda
O‘rtacha ta’mirlangan turkumdagi uylar uchun nisbatan arzon ijara narxlari Sergeli va Olmazor tumanlarida taklif etilgan.
Samarqandda bir erkakni o‘ldirishda gumonlanib, qidiruvda bo‘lgan 29 yoshli shaxs Qozog‘istonda ushlandi
Hozirda unga nisbatan tergov harakatlari olib borilmoqda.
O‘zbekistonda pensiyaning minimal miqdori eng kam iste’mol xarajatlari darajasidan oz bo‘lmasligi belgilandi
Endi pensiyalar miqdori yil davomida isteʼmol narxlari indeksi darajasi inobatga olingan holda oshirib boriladi.
“Kelishadi, ko‘rishadi, va’da berishadi. Ammo natija yo‘q”. Deputatlar Dehqonoboddagi yo‘l holatini tanqid qildi
Dehqonobodliklar viloyat O‘zLiDeP deputatlik guruhiga tuman hududidagi yo‘llar yaroqsiz holga kelib qolganini, bu haydovchilar va yo‘lovchilarga noqulaylik tug‘dirayotganini aytib, shikoyat qildi.
Qashqadaryodagi saylda gaz ballon portlashi oqibatida 37 kishi jarohat oldi
Holat yuzasidan jinoyat ishi qo‘zg‘atildi.
Shavkat Mirziyoyev Toshkentdagi “Yoshlar bog‘i”da ko‘chat ekdi (video)
Bog‘ maydoni 75 gektardan ortiq bo‘lib, hududi jihatidan poytaxtdagi “Yangi O‘zbekiston” bog‘idan keyin ikkinchi o‘rinni egallaydi.
Shavkat Mirziyoyevning Saudiya Arabistoni valiahd shahzodasiga yozgan maktubi topshirildi
Maktubni O‘zbekiston tashqi ishlar vazirining birinchi o‘rinbosari topshirgan.
Prezident poyezdlar tarmog‘ini kengaytirib, aholini ko‘p tumanlarga olib borish bo‘yicha topshiriq berdi
Shavkat Mirziyoyev Toshkent yo‘lovchi vagonlarni qurish va taʼmirlash zavodini borib ko‘rdi.
“Bu o‘zbekistonliklarni ayovsiz talash degani” — faollar elektromobillar importiga cheklov qo‘yilishidan norozilik bildirmoqda
“Yorlig‘i BYD’mi yo GM — farqi yo‘q, ‘O‘zavtosanoat’ raqobatni mutlaqo istamaydi”, — deb yozadi iqtisodchi.
Maktablarda bahorgi taʼtil 21-martdan boshlanadi
To‘rtinchi chorak darslari 28-martdan boshlanadi.
O‘zbekistonda elektromobil va gibrid avtomobillar ishlab chiqarish yiliga 500 ming donagacha oshiriladi
Mahalliy aholi uchun o‘n mingta yangi ish o‘rinlari yaratiladi.
Antikorrupsiya agentligi bir mlrd so‘mlik to‘rtta davlat xaridini bekor qildi
To‘plangan hujjatlar huquqni muhofaza qiluvchi organlarga yuborildi.
Toshkent viloyatida 7 yoshli qizcha o‘z ammasi tomonidan urib o‘ldirildi
Ayol jiyani dars tayyorlamagani va yolg‘on gapirganini vaj qilib, uni jazolagan.
“Nima uchun hududlarda ko‘p yuraman? Chunki men odamlarga ishonaman” — Shavkat Mirziyoyev
Prezident Yakkasaroy tumanidagi “Dilbuloq” mahallasiga tashrif buyurdi.
Buxoroda avtobus va yuk mashinasi ishtirokida sodir bo‘lgan YTH yuzasidan jinoyat ishi qo‘zg‘atildi
Ayrim mansabdor shaxslar maktab bolalarini avtobusda tashish va hamrohlik qilish ishlarini tashkil qilishda qo‘pol qonun buzilishi holatlariga yo‘l qo‘yganliklari aniqlandi.
Izoh (0)