Аввалроқ Тошкент шаҳрининг Олмазор туманидаги Қорасарой кўчасида транспорт воситалари ҳаракати вақтинча тўхтатилиши ҳақида хабар берилганди. Пойтахт Транспорт ва йўл-транспорт инфратузилмасини ривожлантириш бош бошқармаси шу боис айрим автобус йўналишлари ҳаракати вақтинча ўзгаришини маълум қилди.

Жумладан:
- 42-сонли автобус: Кенсой қўрғони – Чорсу савдо маркази (Сағбон кўчаси орқали);

- 43-сонли автобус: Юнусобод мавзеси 6-даҳа – Фтизиатрия институти (Себзор кўчаси орқали бориш, Сағбон кўчаси орқали қайтиш);

- 109-сонли автобус: Чуқурсой темирйўл станцияси – Чорсу метроси (Себзор кўчаси орқали бориш, Сағбон кўчаси орқали қайтиш).

Йўловчилардан ушбу ўзгаришларни инобатга олиб, ўз сафарларини олдиндан режалаштиришлари сўралди.
Ушбу кўчанинг ёпиладиган қисми: Абдулла Қодирий кўчаси билан кесишган жойдан Нурафшон кўчаси билан кесишган жойгача.
Ишларни бажариш муддати: 2025 йил 2 апрелдан сентябрь ойигача.
Тошкент шаҳрининг Мирзо Улуғбек туманидаги Ўзбекистон овози кўчаси 7/24 кўчага айланмоқда. Шу муносабат билан 27 март куни соат 7:00 дан 30 апрелгача Ўзбекистон овози кўчасининг Шастри кўчаси билан кесишмасидан Яҳё Ғуломов кўчасига қадар қисми вақтинча автомашиналар ҳаракати учун ёпилиши айтилганди.
Изоҳ (0)