Toshkent shahrining Shayxontohur tumani, Shofayzi ko‘chasi 25-martdan 1-mayga qadar avtotransport harakati uchun yopiladi. Bu haqda poytaxt hokimligi matbuot xizmati xabar berdi.
Maʼlum qilinishicha, bunga “Daryobo‘yi Business City” loyihasi doirasida Janggoh, Chuqurko‘prik va Zahariq ochiq kollektorlarining yopilishi, shuningdek, avtomobil yo‘li, yashil hududlar, piyodalar va velosiped yo‘laklari barpo etilishi sabab bo‘ladi.
Toshkent shahar transport va yo‘l-transport infratuzilmasini rivojlantirish bosh boshqarmasining xabar berishicha, ko‘cha yopilishi bois 34-sonli Chilonzor metrosi—Shifokorlar shaharchasi avtobus yo‘nalishiga vaqtinchalik o‘zgartirish kiritiladi.
Toshkent shahrida ramazon oyi kechalaridagi tarovih namozi munosabati bilan 28-fevraldan boshlab har kuni soat 18:00 dan 24:00 gacha masjidlar yaqinidagi yo‘llar transport vositalari harakati uchun cheklanishi haqida xabar berilgandi.
Izoh (0)