Futbol bo‘yicha O‘zbekiston Superligasining 3-turidan o‘rin olgan navbatdagi bahslar 29-mart, shanba kuni bo‘lib o‘tdi.
Unda Muborakning “Mashʼal” klubi Jizzaxning “So‘g‘diyona” jamoasi bilan o‘yin o‘tkazdi. Birinchi bo‘limda har ikki jamoada qator vaziyatlar yuzaga keldi. 45+4-daqiqada Islombek Baratov hisobni ochdi.
Ikkinchi bo‘limda esa jizzaxliklar ko‘plab vaziyatlar yaratdi. 74-daqiqaga kelib muborakliklar darvozasi tomon penalti belgilandi. Biroq Javohir Qahramonov ushbu vaziyatdan unumli foydalana olmadi.
Ushbu g‘alaba bilan “Mashʼal” ikki o‘yinda uch ochko olib 10-o‘ringa ko‘tarildi. Jizzax klubi esa ketma-ket uchinchi o‘yinda mag‘lub bo‘ldi.
Superliga
3-tur
29-mart, shanba
“Mashʼal” — “So‘g‘diyona” 1:0
Gollar: 1:0 — 45+4, Islombek Baratov
Amalga oshirilmagan penalti: 74, Javohir Qahramonov
Izoh (0)