Futbol bo‘yicha O‘zbekiston Kubogining nimchorak finalidan o‘rin olgan bahsda “So‘g‘diyona” 24-avgust, chorshanba kuni “Mash’al”ga qarshi maydonga tushdi.
Uchrashuvning 25-daqiqasida Shavkat Salomov hisobni ochdi. Oradan 4 daqiqa o‘tib, Abdujalil Manazarov jizzaxliklarning ikkinchi goliga mualliflik qildi. Birinchi bo‘lim yakunlanishiga bir necha daqiqa qolganda Muzaffar Abdullayev hisobni qisqartirdi. 77-daqiqada Xudoyorxon Sagdullayev muvozanatni tikladi.
Asosiy bo‘limlara 2:2 hisobi qayd etildi va jamoalar qo‘shimcha bo‘limlarga qadar yetib bordi. Qo‘shimcha bo‘limning startida Xislat Halilov jizzaxliklarning uchinchi golini urdi. 101-daqiqada Husniddin G‘ofurov hisobni “So‘g‘diyona” uchun ishonchli ko‘rinishga keltirdi. 116-daqiqada Sardor Qulmatov hisobni yiriklashtirdi.
Shu tariqa Jizzax klubi 5:2 hisobida g‘alaba qozonib, chorak finalga yo‘l oldi.
O‘zbekiston Kubogi
1/8 final bahsi
24-avgust, chorshanba
“So‘g‘diyona” — “Mash’al” 5:2
Gollar: 1:0 — 25 Shavkat Salomov, 2:0 — 29 Abdujalil Manazarov, 2:1 — 39 Muzaffar Abdullayev, 2:2 — 77 Xudoyorxon Sagdullayev, 3:2 — 95 Xislat Halilov, 4:2 — 101 Husniddin G‘ofurov, 5:2 — 116 Sardor Qulmatov.“So‘g‘diyona”: 1. Shirinboy Abdullayev, 3. Dian Talxatov (26. Vitaliy Denisov, 46), 5. Ayubxon No‘monov, 7. Shahboz Jo‘rabekov (2. Sardor Qulmatov), 6. Shavkat Salomov (12. Xislat Halilov, 46), 10. Shohruz Norxonov (20. Bahodir Nasimov, 57), 17. Husniddin G‘ofurov, 21. Abdujalil Manazarov, 28. Samandarjon Mavlonqulov (19. Javohir Qahramonov, 46), 31. Luka Chermel, 44. Yure Obshivach.
“Mash’al”: 13. Ravshan Yagudin, 4. Muhammadali Namozov, 6. Mozes Oluvadamilare, 10. Nikita Pavlenko, 14. Saidmahmudxon G‘ulomov (, 87. Nurjahon Muzaffarov, 57), 19. Jaloliddin Bahromov, 33. Sirojiddin Allayev, 67. Zoirjon Tursunov, 70. Muzaffar Abdullayev (16. Mikola Agapov, 65), 77. Anvarjon Jo‘rayev, 97. Ruslan Hojiyev.
Izoh (0)