Футбол бўйича Ўзбекистон Суперлигасининг 3-туридан ўрин олган навбатдаги баҳслар 29 март, шанба куни бўлиб ўтди.
Унда Муборакнинг “Машъал” клуби Жиззахнинг “Сўғдиёна” жамоаси билан ўйин ўтказди. Биринчи бўлимда ҳар икки жамоада қатор вазиятлар юзага келди. 45+4-дақиқада Исломбек Баратов ҳисобни очди.
Иккинчи бўлимда эса жиззахликлар кўплаб вазиятлар яратди. 74-дақиқага келиб муборакликлар дарвозаси томон пенальти белгиланди. Бироқ Жавоҳир Қаҳрамонов ушбу вазиятдан унумли фойдалана олмади.
Ушбу ғалаба билан “Машъал” икки ўйинда уч очко олиб 10-ўринга кўтарилди. Жиззах клуби эса кетма-кет учинчи ўйинда мағлуб бўлди.
Суперлига
3-тур
29 март, шанба
“Машъал” — “Сўғдиёна” 1:0
Голлар: 1:0 — 45+4, Исломбек Баратов
Амалга оширилмаган пенальти: 74, Жавоҳир Қаҳрамонов
Изоҳ (0)