Qozog‘iston Mehnat vazirligining 2025-yil 6-martdagi buyrug‘i bilan mamlakat koloniyalaridan ozod etilganlar uchun vaqtinchalik yashash maskanlari tashkil etiladi.
Maskanlar jazoni o‘tash koloniyalaridan ozod qilingan, probatsiya xizmatida hisobda turgan, odam savdosi va maishiy zo‘ravonlikdan jabrlangan hamda doimiy yashash manziliga ega bo‘lmagan fuqarolar uchun xizmat qiladi.
Bunday maskanlar aholisi 100 ming kishidan ortiq bo‘lgan hududlarda tashkil etiladi.
Hududiy boshqaruv organlari qarorlariga ko‘ra aholi soni 50 ming kishini tashkil qilgan tuman, qishloqlarda shunday maxsus maskanlar qurilishi mumkin. Agar
- respublika ahamiyatiga ega shaharlar, poytaxt va viloyat ahamiyatiga ega shaharlarida, maxsus ijtimoiy xizmatlarga muhtojlar soni kamida 50 kishini tashkil etsa;
- tuman ahamiyatiga ega shaharlar, qishloqlar, tumanlar va qishloq okruglarida, agar maxsus ijtimoiy xizmatlarga muhtojlar soni kamida 25 kishini tashkil etsa shunday markazlar qurilishiga ruxsat beriladi.
Yashash maskanlari statsionar, yarim statsionar va uyda xizmat ko‘rsatish sharoitida faoliyat yuritishi mumkin.
Ma’lumot o‘rnida, 2024-yil yakuniga ko‘ra, Qozog‘istonda 502 ta davlat tashkiloti, 122 ta nodavlat notijorat tashkiloti tomonidan maxsus ijtimoiy xizmatlar ko‘rsatilgan. Ular orasida maxsus ijtimoiy xizmatlar ko‘rsatish markazlari, kunduzgi qolish markazlari, reabilitatsiya markazlari va uyda ijtimoiy yordam ko‘rsatish bo‘limlari mavjud.
Izoh (0)