Qozog‘iston Mudofaa vazirligi yetti nafar harbiy qimor o‘ynagani uchun Qurolli kuchlar safidan chetlatilganini ma’lum qildi. Bu haqda vazirlikning harbiy politsiya bosh boshqarmasi xodimi Yertay Yeralin ma’lum qildi.
Yeralinga ko‘ra, qimor o‘yinlariga moyil harbiylarni armiyadan chetlatish bo‘yicha qonuniy cheklovlar 2024-yil 9-sentyabrda kuchga kirgan. Hozirda harbiy xizmatchilarni aniqlash bo‘yicha ish olib borilmoqda.
Shu bois, hozirdan boshlab, agar shunday harbiylar aniqlansa, ularga nisbatan chetlatishgacha bo‘lgan chora ko‘riladi. Doimiy ravishda maxsus tadbirlar va profilaktika choralari o‘tkaziladi. Bu yil qimor o‘yinlari bilan bog‘liq o‘z joniga qasd qilish holatlari bo‘lmagan. 7 nafar harbiy xizmatchi qimor o‘yinlarida ishtirok etgani uchun Qurolli kuchlar safidan bo‘shatilgan, dedi Mudofaa vaziri vakili Yertay Yeralin.
Qozog‘istonlik deputat Konstantin Avershin avvalroq askarlar ludomaniya (pul tikiladigan o‘yinlarga moyillik) tufayli qarindoshlaridan pul so‘rayotganini aytgan edi.
Haqiqatan ham, ludomaniya deb ataladigan katta muammo mavjud. Hozirda har bir gadjet va qurilma orqali bizda onlayn-kazinolarga ruxsat berilgan. Biz qabul qilgan “Ludomaniya” to‘g‘risidagi qonun katta qiyinchiliklar bilan o‘tdi, hatto Majlis deputatlariga jismoniy zo‘ravonlik bilan tahdid qilishgacha bo‘lgan qarshiliklar kuzatildi. Shuning uchun bu muammoni juda kompleks tarzda ko‘rib chiqish lozim.
Aslida, biz bir nechta harbiy xizmatchilarni tekshirdik. Ularning ota-onalaridan olingan ma’lumotlarga ko‘ra, ular doimiy ravishda pul so‘ragan. Tekshirib ko‘rdik, qarab chiqdik: harbiy qismlarda tovlamachilik holatlari bo‘lmagan. Ammo juda chuqur bog‘liqlik, ya’ni ludomaniya holatlari kuzatildi, degan edi deputat.
Izoh (0)