Namangandagi bog‘chada tarbiyachilarga yo‘laklardagi taxtalarni olib qo‘yishni aytgan direktorga chora ko‘rildi

Namangandagi bog‘chada tarbiyachilarga yo‘laklardagi taxtalarni olib qo‘yishni aytgan direktorga chora ko‘rildi, deb xabar bermoqda viloyat Maktabgacha va maktab ta’limi boshqarmasi axborot xizmati. 

Qayd etilishicha, mazkur muassasa “Tashabbusli budjet” loyihasi doirasida g‘olib deb topilib, bog‘chaning mukammal ta’miri uchun bir milliard so‘mni qo‘lga kiritgan. O‘rganish davomida tarbiyachilarga bog‘cha direktori tomonidan yo‘laklardagi mix qoqilgan taxtalardan kimdir zararlanmasligi uchun olib qo‘yish bo‘yicha ko‘rsatma berilgani aniqlandi. 

Mehnat kodeksining 181-moddasi 1-bandiga ko‘ra o‘z vazifasiga sovuqqonlik bilan qaragani, o‘ziga yuklatilgan vazifalarni lozim darajada bajarmagani uchun maktabgacha ta’lim tashkiloti direktoriga hayfsan intizomiy jazo chorasi qo‘llangan.