“Tashabbusli byudjet”ning 2024-yilgi 1-mavsumida ovoz berish jarayoni, 16-mart soat 00:00 dan qayta boshlanadi. Bu haqda Iqtisodiyot va moliya vazirligi matbuot xizmati xabar berdi.
Qayd etilishicha, jarayon 4-aprel soat 23:59 gacha davom etadi.
O‘zbekistonda 13-martdan “Tashabbusli byudjet”ga ovoz berish jarayoni boshlanishi belgilangan. Biroq ovoz berish uchun zarur platforma – “Open budjet” portalida texnik nosozlik kuzatilgan edi. Joriy mavsumda ilgari surilgan loyihalarni amalga oshirish uchun davlat byudjetidan 3 trillion so‘m ajratilishi belgilangan. Bunda har bir loyiha uchun eng yuqori qiymat 1 milliard 360 million so‘mni tashkil etadi.
Hozirgacha portalga 9 443 ta mahalla fuqarolar yig‘inidan 35 575 ta tashabbus kelib tushgan bo‘lib, shundan 28 919 tasi maʼqullangan. Bu galgi mavsumdan boshlab ovoz berish jarayoniga “Bir fuqaro, bir ovoz” tamoyili joriy etildi.
Izoh (0)