“Tashabbusli byudjet” jarayonlarining 2025-yilgi 1-mavsumi 1-fevraldan boshlanib, 20-martga qadar davom etadi. Bu haqda Iqtisodiyot va moliya vazirligi xabar berdi.
Bunda loyiha kiritish bosqichi 1–20-fevral kunlari bo‘lib o‘tadi. Saralash bosqichi esa 21-fevral–7-mart kunlari o‘tkaziladi.
Shuningdek, targ‘ibot bosqichi 8–10-mart, ovoz berish bosqichi esa 11–20-mart kunlari o‘tkaziladi.
1-mavsum g‘oliblari 21-mart — Navro‘z bayrami kuni eʼlon qilinadi.
“O‘z hududingizdagi mavjud muammolarni hal etish bo‘yicha tashabbus ko‘rsating, faol bo‘ling!”, deyiladi xabarda.
“Ochiq byudjet” portalida “Tashabbusli byudjet” jarayonining 2024-yildagi 2-mavsumi ovoz berish jarayoni yakunlariga ko‘ra, 2 trillion 139 milliard so‘mlik 1772 ta loyiha g‘olib deb topilgandi. Loyihalarni moliyalashtirish uchun ushbu mavsumga 2 trillion 271 milliard so‘m ajratilgan.
Izoh (0)