Janubiy Koreyadagi qariyb 80 nafar o‘zbekistonliklar o‘z ish joylarini sababsiz tashlab ketgani oqibatida ulardan 2 mlrd so‘m jarima undirildi. Bu haqda Migratsiya agentligi axborot xizmati xabar berdi.
Maʼlum qilinishicha, so‘nggi vaqtlarda Koreya Respublikasiga vaqtincha ishlash uchun borgan fuqarolar orasida o‘z ish joyini sababsiz tashlab ketish holatlari uchramoqda.
Bu esa O‘zbekistonga ajratiladigan ishchi kvotalar soniga jiddiy taʼsir ko‘rsatadi. Shu bilan birga, O‘zbekistondan borgan ishchilarning imiji tushib ketishiga sabab bo‘lmoqda.
Shu bois, Koreyaga ishlash uchun borayotgan har bir yurtdoshimiz ketish oldidan uch tomonlama shartnomaga imzo chekmoqda. Shartnomada:
“Agarda o‘z ish joyimni sababsiz tashlab ketib, nolegal faoliyat yuritadigan bo‘lsam, meni kafillikka olayotgan shaxs, yaʼni yaqin qarindoshimdan Koreyada nolegal yurgan har bir oyim uchun 2000 AQSH dollaridan (hozirgi vaqtda) jarima undirilishiga roziman”, deyiladi.
Jumladan, Koreyaga ishlash maqsadida ketgan va shartnoma shartlarini buzgan qashqadaryolik fuqaro M.Aning kafilidan sud qaroriga asosan MIB 70 mlr 392 ming so‘m undirgan.
2024-yilning o‘tgan davrida o‘z ish joyini sababsiz tashlab ketgan qariyb 80 nafar O‘zbekiston fuqarolarining kafillari tomonidan davlatga 2 mlrd 35 million so‘m jarima undirilgan.
Izoh (0)