Ижтимоий тармоқларда Самарқанддаги боғчаларнинг биридан тарбиячи болаларни уриб, уларни ҳақоратлагани акс этган видео тарқалди. Ҳолат юзасидан вилоят Мактабгача ва мактаб таълими бошқармаси маълумот берди.
Унда айтилишича, ҳолат жорий йилнинг 14-февраль куни Жомбой туманидаги 21-ДМТТ да содир бўлган. Тарбияланувчига қўл кўтарган тарбиячи Г.А нинг иши Жиноят ишлар бўйича Жомбой туман судида кўриб чиқилган ва базавий ҳисоблаш миқдорининг 3 баробари миқдорида жарима қўлланилган.
Шунингдек, у билан тузилган меҳнат шартномаси ходимнинг ташаббуси билан бекор қилинган.
Боғчалардаги шу каби ҳолатлар
Бундан аввал Сирдарёдаги боғчада 6 ёшли боланинг танасига игна санчиб, таҳдид қилинган эди. Шунингдек,
- Нукусдаги хусусий боғчада болаларга қўполлик қилингани аниқланди
- Сергелидаги боғчада тарбиячининг калтаклаши оқибатида боланинг оёғи синди
- Тошкентда 6 ёшли болага қизлар кийимини кийдириб, аёллар рақсини ижро эттирган боғча тарбиячиси ишдан бўшатилди
- Хоразмда тарбиячи болаларни қарғаган видеосини адашиб ота-оналар гуруҳига жўнатиб юборди
- Тошкентдаги хусусий боғчада тарбиячи болани уриб, ҳақоратлади
- Сурхондарёдаги боғчада 5 ёшли болани урган тарбиячи ишдан олинди
- Жиззахда 3 ёшли боғча боласининг ўлимига сабабчи бўлганларга суд ҳукми ўқилди
Бундан ташқари, Самарқандда боғчадаги болалардан бири 3 ёшли қизнинг қўлларидан тишлаб, жароҳат етказгани, Андижондаги боғчада тарбиячи боланинг юзига бир неча бор тарсаки туширгани тўғрисида хабар берилганди.
Изоҳ (0)