Шимолий Корея етакчиси Ким Чен Ин стратегик қанотли ракеталар синовидан сўнг армияни ядро қуролидан фойдаланишга тўлиқ тайёр туришга чақирди. Бу ҳақда KCNA хабар берди.
Унинг сўзларига кўра, ракета синовлари 26 февраль куни куннинг биринчи ярмида ўтказилган. Ракеталар 7,9 минг сония ичида 1587 километр масофани учиб ўтган ва “нишонга аниқ тегган”. Ким Чен Ин синовларнинг вазифаси “хавфсизликни жиддий бузаётган ва кескинлашувга ҳисса қўшаётган душманларни” огоҳлантириш, шунингдек, “турли ядровий қуролларни қўллашга тайёрликни” намойиш этиш деб аталган.
Кучли зарба бериш қобилияти билан кафолатланган нарса — мудофаа ва тийиб туриш қобилияти. КХДР қуролли кучларининг масъулиятли вазифаси ва бурчи — миллий суверенитет ва хавфсизликни ишончли ядровий қалқон ёрдамида доимий равишда ҳимоя қилиш, ядровий кучларнинг жанговар тайёргарлигини ошириш ва уларни қўллашга тўлиқ тайёр бўлишдан иборат, деди Ким Чен Ин.
Жанубий Корея ҳарбийлари 26 февраль куни КХДР ракета учиришга тайёргарлик кўраётгани аломатларини қайд этди ва уларнинг парвозини кузатди. Пхеньян бир неча йил давомида ядровий каллакларни етказиб бериш учун мўлжалланган стратегик қанотли ракеталарни ишлаб чиқиш билан шуғуллангани айтилмоқда.
2024 йил январь ойида КХДР ўрта ва узоқ масофали янги гипертовушли баллистик ракетани учирди. Ким Чен Иннинг сўзларига кўра, у ҳар қандай ракетага қарши мудофаа тизимини енгиб ўтишга қодир. Пхеньян 2021 йилдан бери гипертовушли қурол синовлари ҳақида хабар бермоқда. Бироқ Шимолий Корея ракеталари 1,5 минг км масофани босиб ўтмаяпти.
Изоҳ (0)