Qashqadaryo va Buxoro viloyatlarida valyuta qimmatliklari savdosi bilan shug‘ullanib kelgan shaxslar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, Dehqonobod tumaniga fuqaro E.S. fuqaro B.T.ga 3,7 ming dollarni 48,1 mln so‘mga sotgan vaqtida ushlangan.
Shuningdek, Jondor tumanida fuqaro B.B. fuqaro U.Q.ga 3,4 ming dollarni 45 mln so‘mga sotgan vaqtida ushlangan.
Bundan tashqari, Buxoro shahrining “Karvon bozori” savdo markazida fuqaro D.A. fuqaro G.B.dan 3,3 ming dollarni 42,5 so‘mga sotib olgan vaqtida ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Qo‘lga olinayotgan “valyutchik”lar
Avvalroq Buxoro, Xorazm va Toshkent viloyatlarida valyuta qimmatliklari savdosi bilan shug‘ullanib kelgan shaxslar ushlangan edi. Shuningdek, Andijon viloyatining Baliqchi hamda Oltinko‘l, Buxoro viloyatining Peshku tumanida valyuta qimmatliklari savdosi bilan shug‘ullanib kelgan shaxslar ushlangan.
Shu bilan birga, Samarqand viloyatining Ishtixon hamda Oqdaryo tumanlarida valyuta qimmatliklarini noqonuniy muomalaga kiritilishining oldi olingan.
Bundan tashqari, Samarqand viloyatining ikki tumani, shuningdek, Xorazm viloyatining Yangibozor tumanida valyuta ayirboshlash bilan shug‘ullanib kelgan shaxslar ushlangan.
Izoh (0)