Bosh prokuratura huzuridagi departamentning Bo‘stonliq tumani bo‘limi va IIB xodimlari hamkorligida o‘tkazilgan tezkor tadbirda valyuta ayirboshlash bilan shug‘ullanib kelgan R.X. va B.R. o‘zaro til biriktirib, fuqaro Q.Sh.ga 4 000 AQSH dollarini 52 mln so‘mga sotgan vaqtida ashyoviy dalillar bilan ushlanganlar.
Shu kabi departamentning Angren shahri bo‘limi tomonidan o‘tkazilgan tezkor tadbirda valyuta ayirboshlash bilan shug‘ullanib kelgan A.P. (muqaddam JKning 177-moddasi bilan sudlangan) va N.P. o‘zaro til biriktirib, fuqaro K.Sh.ga 3 800 AQSH dollarini 49,3 mln so‘mga sotgan vaqtida ushlanib, ulardan 4 280 AQSH dollari, 18,5 ming Rossiya rubli, 10 ming qozoq tengesi va 31,2 mln so‘m pullar ashyoviy dalil sifatida olingan.
“Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda”, deyiladi prokuratura xabarida.
Avvalroq Buxoro va Xorazmda “valyutchik”lar ushlangani xabar berilgandi.
Shuningdek, Andijon viloyatining Baliqchi hamda Oltinko‘l, Buxoro viloyatining Peshku tumanida valyuta qimmatliklari savdosi bilan shug‘ullanib kelgan shaxslar ushlangan.
Izoh (0)