Madridning “Real” klubi hujumchi Gonsalo Garsiya bilan yangi shartnoma tuzishga yaqin turibdi. Bu haqda Marca nashri xabar berdi.
Manbalarga ko‘ra, futbolchining amaldagi shartnomasi 2027-yil yozida yakunlanadi. Biroq tomonlar uni uzaytirish bo‘yicha to‘liq kelishuvga erishgan. 21 yoshli hujumchi bilan yangi bitim tez orada rasman e’lon qilinishi kutilmoqda.
Garsiya 2025-yil yozida AQShda o‘tgan Klublar o‘rtasidagi Jahon chempionatida yorqin o‘yin ko‘rsatdi. U turnir davomida 6 ta uchrashuvda ishtirok etib, 4 ta gol va 1 ta golli uzatma muallifiga aylangan. Shundan so‘ng futbolchini o‘z safiga qo‘shmoqchi bo‘lgan klublar paydo bo‘ldi. Xususan, Angliya Premyer Ligasi va La Liganing bir nechta jamoalari “Real”ga rasmiy takliflar yuborgan. Ammo “qaymoqranglilar” uni tarkibda saqlab qolishni istadi.
Ayni paytda Garsiyaning jamoada qolishi bilan bog‘liq boshqa bir muammo paydo bo‘lgan — raqam. U JCHda 30-raqam ostida o‘ynagan edi, biroq La Liga reglamentiga ko‘ra, futbolchilar faqat 1 dan 24 gacha bo‘lgan raqamlar bilan maydonga tushishi mumkin. Bu shuni anglatadiki, Garsiya katta ehtimol bilan Kilian Mbappedan bo‘shagan 9-raqam ostida o‘ynashi mumkin.
Eslatib o‘tamiz, “Real Madrid” yangi mavsumdagi ilk o‘yinini 19-avgust kuni “Santiago Bernabeu” stadionida “Osasuna”ga qarshi o‘tkazadi.
- Garsiya hozirga qadar “Real Madrid” asosiy jamoasi safida 12 ta o‘yinda maydonga tushib, o‘z hisobiga 5 ta go va 2 ta assist yozdirib qo‘ygan.
- Transfermarkt portali hujumchinin qiymatini 8 million yevroga baholamoqda.
Izoh (0)