Milliy Olimpiya qo‘mitasida bugun, 17-fevral kuni O‘zbekiston qishki sport turlari assotsiatsiyasi va tennis federatsiyasi navbatdan tashqari saylov konferensiyalari bo‘lib o‘tdi. Bu haqda MOQ matbuot xizmati xabar berdi.
Tadbirda “O‘zmilliybank” AJ boshqaruv raisi Alisher Mirsoatov O‘zbekiston qishki sport turlari assotsiatsiyasi rahbari etib saylandi.
Shuningdek, “Paxtakor” FK prezidenti sifatida faoliyat yuritgan mutaxassis Botir Rahimov O‘zbekiston tennis federatsiyasi raisi etib saylandi.
Federatsiyaning sobiq raisi A.Mirsoatov qishki sport turlari assotsiatsiyasi boshqaruviga o‘tgan edi.
Shu bilan birga, konferensiyalarda tashkilotlarning yangi ustavi ham tasdiqlab olindi.
Tadbirda ishtirok etgan rasmiylar federatsiyalarning yangi rahbariyatini masʼuliyatli lavozimga saylanishgani bilan qutladi. Ularga oldinda turgan Milan-Kortina-2026 qishki va Los-Anjeles-2028 yozgi Olimpiya o‘yinlariga tayyorgarlik yuzasidan vazifalarni belgilab, bu borada o‘z tavsiyalarini berdi.
Avvalroq Bojxona qo‘mitasi raisi Akmalxo‘ja Mavlonov 17-fevral kuni Yengil atletika federatsiyasi raisi etib saylangan edi.
Izoh (0)