Toshkent shahrining Olmazor tumanida avtobus yonib ketdi.
Poytaxt FVBga ko‘ra, 20-fevral kuni soat 07:41 da Toshkent xalqa avtomobil yo‘li ko‘chasida avtobusda yong‘in sodir bo‘layotgani to‘g‘risida xabar kelib tushdi. Shunga ko‘ra, yong‘in-qutqaruv ekipaji aytilgan manzilga soat 07:45 da yetib borib, yong‘in soat 07:50 da o‘chirildi.
Hodisa oqibatida halok bo‘lgan va jabrlanganlar yo‘q.
So‘nggi yillarda poytaxtda avtobuslarda yong‘in chiqishi holatlari tez-tez kuzatilmoqda. 17-fevral kuni Toshkentning Shayxontohur tumanida avtobusning motor qismining elektr simlarida qisqa tutashuv sodir bo‘lgandi. 2024-yil 19-dekabr kuni Yangi Sergeli va Qipchoq ko‘chalari chorrahasida avtobusda yong‘in chiqqandi.
Transport vazirligi bergan ma’lumotga ko‘ra, Toshkent shahriga yana 1000 ta Yutong avtobuslarini olib kelish imkoniyatlari o‘rganilmoqda.
Izoh (0)