O‘zbekiston Superligasi 18-turi doirasidagi “So‘g‘diyona” — “Mash’al” uchrashuvi yakuniga yetdi. Qiziqarli va keskin kurashlar ostida o‘tgan bahsda jizzaxliklar 2:0 hisobida g‘alaba qozondi.
Uchrashuvdagi hisob 27-daqiqada Jizzax klubi futbolchisi Javohir Qahramonov tomonidan ochilgan bo‘lsa, 75-daqiqada Ruben Hebay ikkinchi marta muborakliklar darvozasini ishg‘ol qildi.
Qo‘lga kiritilgan g‘alabadan keyin “So‘g‘diyona” hisobidagi ochkolar soni 20 taga yetdi va jamoa turnir jadvalida 11-o‘ringa ko‘tarilib oldi. “Mash’al” esa 18 ochko bilan 13-pog‘onani band etgan.
O‘zbekiston Superligasi
18-tur
10-avgust, yakshanba
“So‘g‘diyona” — “Mash’al” 2:0
Gollar: 1:0 — Qahramonov (27), 2:0 — Hebay (75)
Izoh (0)