“Roma” bosh murabbiyi Klaudio Ranyeri Yevropa Ligasi 8-turidan o‘rin olgan “Ayntraxt”ga (2:0) qarshi o‘yindan so‘ng Eldor Shomurodovning klubdagi kelajagiga oydinlik kiritdi.
O‘zbekistonlik hujumchi bellashuvda 67-daqiqada zaxiradan maydonga tushib, 69-daqiqada gol urdi va jamoasining pley-offga chiqishiga hissa qo‘shdi.
“Shomurodovga biz bilan qolishini aytdim. Eldorni hamma — muxlislar, futbolchilar yoqtiradi, chunki u doimo borini beradi.
Men esa uni ko‘p urishib turaman. Shuning uchun unga: “Agar ketsang, kimga jahl qilaman?” deb aytdim”, deya italiyalik mutaxassisning so‘zlarini keltiradi Roma Press.
Avvalroq 29 yoshli Shomurodovga Italiyaning bir nechta klublari qiziqish bildirayotgani xabar qilingandi.
Yevropa Ligasining so‘nggi turida g‘alaba qozongan “Roma” o‘tish o‘yinida qatnashadi. Uning raqibi bugun, 31-yanvar kun aniq bo‘ladi.
Izoh (0)