Jahon chempionati saralashidan o‘rin olgan Qatarga qarshi uchrashuvda O‘zbekiston terma jamoasi a’zolari Eldor Shomurodov va Otabek Shukurov jarohat oldi.
-dcqRHJOT.jpg)
Bahsning birinchi bo‘limining dastlabki daqiqalarida jarohat olgan Eldor Shomurodov o‘rnini Jaloliddin Masharipovga bo‘shatib berdi. Otabek Shukurov esa jarohat bilan uchrashuvning so‘nggi daqiqalarigacha harakat qildi.
Milliy terma jamoaga yaqin bo‘lgan manbaning “Daryo”ga ma’lum qilishicha, Eldor Shomurodov va Otabek Shukurov jarohat sabab 19-noyabr kuni bo‘lib o‘tadigan Shimoliy Koreyaga qarshi uchrashuvni o‘tkazib yuborishi mumkin.
“Roma” klubi hujumchisining jarohati biroz jiddiy ekani aytilmoqda.
Ma’lumot uchun, Oston O‘runov ham noyabrdagi o‘yinlarni jarohat sabab o‘tkazib yubormoqda.
Qatar—O‘zbekiston bahsi mezbonlarning 3:2 hisobidagi g‘alabasi bilan tugadi. O‘zbekiston terma jamoasi ushbu mag‘lubiyatdan so‘ng ham turnir jadvalida ikkinchi o‘rinda bormoqda. Jamoa keyingi turni Shimoliy Koreyaga qarshi 19-noyabr kuni o‘tkazadi.
Izoh (0)