1-fevral kuni O‘zbekiston Superligasi yangi mavsumiga qurʼa tashlanadi, deb xabar berdi O‘zPFL matbuot xizmati.
Maʼlum qilinishicha, Superliga mavsumi 7-mart kuni start olishi rejalashtirilgan. Liga uning to‘liq ishtirokchilari va klublar qaysi stadiondan qay tartibda foydalanishi masalasida ish olib borishiga to‘g‘ri keldi.
Musobaqaga qurʼa tashlash marosimi 1-fevral kuni 18:00 da start oladi va u Futbol TV orqali jonli efirga olib chiqiladi. Qurʼa jarayonida Liga quyidagi ketma-ketlikni inobatga oladi:
- mavsum startini o‘z maydonida boshlamasligi, biroq keyinchalik boshqa stadionga ko‘chib o‘tishi katta ehtimol bo‘lgan klublar;
- bir stadiondan foydalanishi ko‘zda tutilgan va shundan kelib chiqib juftlik hosil qilgan klublar;
- juftlik hosil qilmagan klublar.
Liga mutaxassislari qurʼa va uning qolgan masalalarini jonli efirda tushuntirib berishi ko‘zda tutilgan.
Izoh (0)