Futbol bo‘yicha O‘zbekiston Superligasining 25-turidan o‘rin olgan bahs 22-noyabr, juma kuni bo‘lib o‘tdi.
Unda kumush medallar uchun kurash olib borayotgan “Navbahor” jamoasi Pro ligaga tushib ketmaslik uchun harakat qilayotgan “Qizilqum” bilan bahs olib bordi.
1-bo‘limning hakam tomonidan qo‘shib berilgan daqiqalari o‘tayotgan vaqtda namanganliklar penalti ishlab oldi. Jamshid Iskanderov undan unumli foydalanib hisobni ochdi.
2-bo‘limning 57-daqiqasiga kelib esa Siyavash Haqnazari oradagi farqni ikkitaga oshirdi. 5 daqiqa o‘tgach Bobomurod Bozorov hisobni qisqartirdi – 1:2. 69 daqiqaga kelib esa Yovan Jokich gol urib, jamoasi ustunligini taʼminladi.
O‘yin so‘ngiga kelib esa yana ikkita gol urildi. 87 daqiqada Toma Tabatadze, 90+5 daqiqada esa Saidazamat Mirsaidov darvozaga to‘p kiritib, o‘yinda yirik hisob bo‘lishiga hissa qo‘shdi.
Shunday qilib, “Navbahor” ochkolari sonini 42 taga yetkazib, 3-o‘ringa ko‘tarilib oldi. Navoiyliklar esa 27 ochko bilan 9 o‘rinda turibdi.
Superliga
25-tur
22-noyabr, juma
“Qizilqum” — “Navbahor” 1:5
Gollar: 0:1 — Jamshid Iskanderov, 45+4 pen, 0:2 — Siyavash Haqnazari, 57, 1:2 — Bobomurod Bozorov, 62, 1:3 — Yovan Jokich, 69, 1:4 — Toma Tabatadze, 87, 1:5 — Saidazamat Mirsaidov, 90+5.
“Qizilqum”: 12.Roberts Ozols, 6.Asror G‘ofurov, 11.Akaki Shulaya, 13.Nikolay Tarasov, 14.Fayzulla Qambarov, 17.Muhammadali G‘iyosov, 18.Baxtiyor Qosimov (8.Giorgi Kuxianidze, 46), 23.Samandar Shukrillayev, 71.Jamoliddin Ubaydulloyev, 77.Fayzullobek Jumanqo‘ziyev (22.Shahzodbek Rahmatullayev, 46), 79.Diyor Rahmatulloyev (20.Bobomurod Bozorov, 62).
“Navbahor”: 18.Eldorbek Suyunov, 4.Abror Karimov, 8.Siyovush Haqnazariy (17.Ruslanbek Jiyanov, 71), 10.Jamshid Iskanderov (88.Asadbek Jo‘raboyev, 86), 12.Saidazamat Mirsaidov, 13.Filip Ivanovich, 14.Jamshid Boltaboyev, 21.Giorgi Nikabadze (22.Toma Tabatadze, 71), 23.Yovan Jokich, 27.Jahongir Tursunov (9.Odiljon Hamrobekov, 78), 55.Komiljon Tojiddinov.
Izoh (0)