1 февраль куни Ўзбекистон Суперлигаси янги мавсумига қуръа ташланади, деб хабар берди ЎзПФЛ матбуот хизмати.
Маълум қилинишича, Суперлига мавсуми 7 март куни старт олиши режалаштирилган. Лига унинг тўлиқ иштирокчилари ва клублар қайси стадиондан қай тартибда фойдаланиши масаласида иш олиб боришига тўғри келди.
Мусобақага қуръа ташлаш маросими 1 февраль куни 18:00 да старт олади ва у Футбол TV орқали жонли эфирга олиб чиқилади. Қуръа жараёнида Лига қуйидаги кетма-кетликни инобатга олади:
- мавсум стартини ўз майдонида бошламаслиги, бироқ кейинчалик бошқа стадионга кўчиб ўтиши катта эҳтимол бўлган клублар;
- бир стадиондан фойдаланиши кўзда тутилган ва шундан келиб чиқиб жуфтлик ҳосил қилган клублар;
- жуфтлик ҳосил қилмаган клублар.
Лига мутахассислари қуръа ва унинг қолган масалаларини жонли эфирда тушунтириб бериши кўзда тутилган.
Изоҳ (0)