Oltin qafas yoki baxtli hayot: mashhur koreys aktyorlarining rafiqalari aslida qanday yashaydi?

Ularning erlari Koreyadagi eng mashhur va eng chiroyli aktyorlardir. Lekin hammasi bir qarashda tuyulganidek ajoyibmi? Koreys aktyorlarining xotinlari aslida qanday yashashi haqida ma’lumot beramiz.

Birinchi muammo

Qizlar duch keladigan birinchi narsa, albatta, tanqiddir. Son Jun Kining rafiqasi Keti Luiz Saundersning bu borada omadi chopgan, chunki u chet ellik edi, aks holda Koreyadagi tanqidlarga bardosh berolmasdi. Son Jun Ki hayotining tarixi koreys o‘lchovlari bo‘yicha juda murakkab. Qaysidir ma’noda Ketining mentaliteti muxlislar va jurnalistlar tomonidan qilingan barcha hujumlarni yengishga yordam beradi. Ular suratga olish maydonchasida tanishgan. Ketini italyan tili repetitori sifatida taklif qilishgani haqida mish-mishlar ham bor, ammo rasmiy ma’lumotlarga ko‘ra, ikkalasi umumiy do‘stlari orqali tanishgan. Doramaning bunga aloqasi yo‘q. Aktyor, ayniqsa, ular Koreyada yashaganlarida, rafiqasiga g‘amxo‘rlik va e’tibor bilan munosabatda bo‘lgan. U rafiqasi uchun shaxsiy tarjimon yollagan va unga iloji boricha qulaylik yaratish uchun barcha choralarni ko‘rgan.

Afsuski, shu paytgacha hech kim Son Jun Ki va ko‘pchilik sevgan aktrisa Son Xe Gyoning munosabatlarini unutgani yo‘q. Shubhasiz, bu ikki ayolni doimo taqqoslashadi.

Yaqinda internet foydalanuvchilari Son Jun Kiga rafiqasi bilan munosabatlari haqidagi gaplari uchun tanqid qilishdi. Aktyor Keti unga his-tuyg‘ularini yengishda yordam berishini tan oldi. Ammo tarmoq foydalanuvchilari Son Xe Gyoning unga turmushga chiqqan paytida u ham xuddi shu narsani aytganini esladilar. Shuning uchun ham ko‘pchilik aktyorni ikkiyuzlamachi deb atadi.

Ikkinchi muammo

Koreyadagi aktyorlarni har bir suratga olishdan keyin ular o‘rtasidagi munosabatlarda shubha qilishlarini bilasiz, lekin u uylangan bo‘lsa-chi?

Bir kuni Nam Gun Min rejissyor sifatida o‘zini sinab ko‘rishga va qisqa metrajli film suratga olishga qaror qiladi. Ushbu loyiha ustida ishlayotganda u Jin Arim ismli modelni yoqtirib qoladi, lekin Nam Gun Minning aytishicha, munosabatlarda tajribasi juda kam bo‘lgani uchun u o‘zini haddan tashqari to‘g‘riso‘z tutadi. Jin Arim aktyorni bir necha bor rad etadi. Nam Gun Min hatto rad etilgan uzundan-uzoq matnli SMS ham oladi.

Albatta, bunday voqeadan keyin artist taslim bo‘lishni o‘ylab qo‘ygandi, lekin bir kuni Jin Arim kutilmaganda Nam Gun Minni birga ichishga taklif qilgan. O‘sha kundan boshlab ular uchrasha boshlaydi. To‘y 2022-yilda bo‘lgan va er-xotin deyarli 10 yildan beri birga. Ammo 2023-yilning yozida An In Chin va Nam Gun Min bosh rollarni ijro etgan “Sevishganlar” tarixiy dramasi ekranlarga chiqqach, katta janjal boshlanadi. Garchi serial unchalik mashhur bo‘lmasa-da, u tomoshabinlar orasida aktyorlar tushgan noxush voqea tufayli esda qoldi.

Ekrandagi er-xotinning haqiqiy hayotda ham ishqiy munosabatlari bo‘lgan, degan mish-mishlar tarqaldi. Aktrisa An In Chin uylangan erkakning boshini aylantirganlikda ayblangan. Hatto An In Chinning onasi ham bu mish-mishlarga ishongan. Shuncha gaplarga qaramay, juftlikning munosabatlar saqlanib qoladi. Ba’zida Jin Arim mehmon yoki model sifatida moda tadbirlariga taklif qilinadi, ammo uning o‘tmishdagi barcha xizmatlariga qaramay, uning ismi har doim eri Nam Gun Mining ismi bilan yonma-yon turadi.

Uchinchi muammo

Li Byon Xon rafiqasi bilan mashhur aktyor bo‘lganida tanishgan, Li Min Jon esa kinoga endigina kirib kelgan edi. Ko‘p o‘tmay ular turmush qurishadi. 2014-yilda katta janjal chiqqunga qadar oshiq-ma’shuqlar ajoyib yashayotgandek edi.

Xonanda Kim Da Xi va model Li Ji Yong taniqli aktyor Li Byon Xonni shantaj qilishga uringanidan keyin qo‘lga olinadi. Ma’lum bo‘lishicha, u qizlar bilan birga ichgan, hatto ularga shilqimlik qilgan. Ular hammasini videoga olishga ulgurishadi. Bundan tashqari, sud jarayonida san’atkor ishtirokidagi ochiq yozishmalar ham yuzaga chiqadi. Qiz kechki ovqatga nima xohlashini so‘raganida, Li Byon Xon “Seni” deb javob beradi. Muloqotlarda ko‘p noz-ishvalar sezilib turardi. Bularning hammasi aktyorning qonuniy xotini birinchi farzandini kutayotgan paytda sodir bo‘ladi. Mojarodan so‘ng Li Byon Xon xiyonatni tan olib, Li Iin Jon va muxlislaridan uzr so‘raydi. Tovlamachi ayollar esa qamoqqa olinadi.

Biroq aktyor ular uchun maksimal jazoni talab qilishni xohlamaydi, shuning uchun bir muncha vaqt o‘tgach, qizlar garovga qo‘yib yuboriladi. Xotini Li Byon Xonni kechiradi, yaqinda er-xotin ikkinci marta ota-ona bo‘lishdi. Li Min Jon bir intervyusida turmush o‘rtog‘i bilan aslida qanday yashayotganini aytib “U juda mehribon va yumshoq ko‘ngil, mening barcha haqoratli so‘zlarim va harakatlarimga indamay chidaydi. Men biroz qiziqqonman, shuning uchun ota-onam oldida ham unga baqirishim mumkin. Shunda ular o‘zimni qo‘lga olishimni maslahat berishadi. Qahr-u g‘azabimni to‘kib solsam, biroz yengil tortaman” deydi.

Shuningdek, aktrisa eri uni hammadan yaxshiroq tushunishini, har doim ishda qo‘llab-quvvatlashini aytadi. Shunday qilib, san’atkorning karyerasiga zarar yetmay, yangi loyihalar tufayli uning mashhurligi yanada oshib bormoqda.

To‘rtinchi muammo

Mazkur juftlikning sevgi tarixini asr romani deb atashadi. Bu Koreyadagi eng ko‘p muhokama qilinadigan, shu bilan birga eng sevimli juftliklardan biridir. Albatta, hamma Xyon Bin va Son Ye Jin aslida qanday yashashini, masalan, ular o‘rtasida qandaydir kelishmovchiliklar bor-yo‘qligini bilishga qiziqadi. 

Xyon Bin va Son Ye Jin bir-birlarini uzoq vaqtdan beri bilishlari haqida mish-mishlar tarqaldi, biroq ularning rasmiy munosabatlari ular “Muhabbatning favqulodda qo‘nishi” doramasida birga rol o‘ynaganlaridan keyin boshlangan. Doramadagi ishqiy syujet ertak kabi real hayotga ham ko‘chadi.
O‘sha paytda aktrisaga ko‘pchilik hasad qilardi. Ammo muxlislari juftlikning munosabatlarini qo‘llab-quvvatladi, ayniqsa ular o‘rtasidagi his-tuyg‘ular juda jiddiy bo‘lib, shunchaki bir lahzalik muhabbat bo‘lib qolmadi, balki haqiqiy oila paydo bo‘ldi. To‘y 2022-yil mart oyida bo‘lib o‘tdi, noyabr oyida esa juftlik o‘g‘il farzand ko‘rishdi.

Yaqinda aktyor Koreya ko‘ngilochar shoularidan birida ishtirok etdi. Shouda aktyor ommaga har doim ham ochiqlamaydigan oilasi aslida qandayligi haqida gapirib berdi. Ilgari Son Ye Jin o‘zi uchun noodatiy bo‘lgan onalik maqomi haqida intervyu bergandi. U farzand tarbiyasi qanchalik mas’uliyatli ekani haqida aytganda Xyon Bin ham buni tasdiqladi. Yuqoridagi shirin tashvishlar bilan er-xotin baxtli, ular o‘rtasida yuzaga keladigan yagona kelishmovchilik — chaqaloq kimga ko‘proq o‘xshashi haqidagi bahslar.

Xyon Bin xotinidan faxrlanishini ta’kidladi. U hech qachon rafiqasini oltin qafasga solishga urinmagan. Aksincha, ikkala aktyor ham karyeralarini rivojlantirishda davom etmoqda, ularni oldinda yana ko‘plab qiziqarli va hayajonli loyihalari kutmoqda.