Футбол бўйича Англия чемпионатининг 23-туридан ўрин олган марказий учрашув, 25 январь, шанба куни бўлиб ўтди. Унда “Манчестер Сити” ўз майдонида “Челси” жамоаси билан куч синашди.
Учрашувда ўзбекистонлик Абдуқодир Ҳусанов асосий таркибда майдонга тушди.
Ўйиннинг 2-дақиқасида Абдуқодир Ҳусанов дарвозабонга тўпни узатишда хатога йўл қўйди. Тўп “Челси” футболчиларига тушди ва жамоа ҳисобни очди. Гол муаллифи — Мадуэке. 4-дақиқада Ҳусанов лондонликлар ҳужумини қўполлик билан тўхтатиб қолди ва сариқ карточка олди.
Ўйин тизгинини ўз қўлига олган “шаҳарликлар” ҳужумлар сонини кўпайтирди. Биринчи бўлим якунида Гвардиол ҳисобни тенглаштирди. Биринчи бўлим шу ҳисобда якунланди.
Иккинчи бўлим тенг курашларда бошланди. Учрашувнинг 54-дақиқасида Гвардиола Абдуқодир Ҳусановни алмаштиришга қарор қилди. Унинг ўрнига Стоунз майдонга тушди. 68-дақиқада Ҳоланд ҳисобни 2:1 га етказди. “Челси” дарвозабони тўпга чиқишда хатога йўл қўйди.
Учрашувнинг 87-дақиқасида “аирстократлар”нинг ҳимоячиларидан қоча олган Ҳоланд Фоденни яхши вазиятга чиқара олди ва Фил ҳисобни 3:1 га етказди. Шу тариқа Гвардиола шогирдлари марказий учрашувда ғалабани нақд қилди.
Ушбу ғалабадан сўнг “Манчестер Сити” очколар сонини 41 тага етказиб 4-ўринга кўтарилди.
АПЛ
23-тур
25 январь, шанба
“Манчестер Сити” — “Челси” 3:1
Голлар: 0:1 — Мадуэке (3), 1:1 — Гвардиол (42), 2:1 — Ҳоланд (68), 3:1 — Фоден (87).
“Манчестер Сити”: 31.Эдерсон Мораес, 24.Йошко Гвардиол, 25.Мануэл Аканжи, 27.Матеус Нуньес, 45.Абдуқодир Ҳусанов (5.Жон Стоунз, 53), 7.Омар Мармуш (17.Кевин Де Брюйне, 74), 8.Матео Ковачич, 19.Илкай Гюндоган, 20.Бернарду Сильва, 47.Фил Фоден, 9.Эрлинг Ҳоланд.
“Челси”: 1.Роберт Санчес, 3.Марк Кукуреля, 6.Леви Колуилл, 23.Тревор Чалоба, 24.Рис Жеймс (27.Мало Gusto, 73), 8.Энсо Фернандес, 11.Нони Мадуеке, 19.Жейдон Санчо (7.Педру Нету, 73), 20.Коул Палмер, 25.Мойзес Кайседо, 15.Николас Жексон (18.Кристофер Нкунку, 61).
Огоҳлантиришлар: А.Ҳусанов 4, Б.Сильва 79, М.Ковачич 83 - Л.Колуилл 25, М.Кайседо 58
Изоҳ (0)