“Manchester Siti” bosh murabbiyi Xosep Gvardiola jamoaga yangi qo‘shilgan Abduqodir Husanov va Reys haqida fikr bildirdi.
Chempionlar Ligasi umumiy bosqichining 7-turidan o‘rin olgan “PSJ”—“Manchester Siti” uchrashuvi oldidan matbuot anjumanida qatnashgan mehmonlar murabbiyi Gvardiola ikki yosh himoyachilar haqida fikr bildirdi.
“Tarkibimizga qo‘shilgan o‘yinchilarga “Siti” oilasiga xush kelibsiz deyman. Ularning jamoaga qo‘shilganidan mamnunman. Ular yosh o‘yinchilar, ko‘p yillar davomida jamoamizda bo‘lishlari reja qilingan.
Husanov Fransiyada o‘ynagan. U ajoyib jismoniy ko‘rsatkichlarga ega va umid qilamizki, ingliz tilini iloji boricha tezroq o‘rganadi. Reys esa ajoyib yosh braziliyalik futbolchi.
Ular Chempionlar Ligasida 1/8 final bosqichiga chiqqanimizdan keyin yordam bera olishadi. APLda esa ular hozirdan o‘ynash imkoniga ega”, deya bosh murabbiy so‘zlarini keltiradi “shaharliklar” matbuot xizmati.
Ma’lumot uchun, “PSJ”—“Manchester Siti” uchrashuvi bugun, 22-yanvar kuni bo‘lib o‘tadi.
Izoh (0)