“Manchester Siti” futbolchisi Abduqodir Husanov klub safida ilk bor intervyu berdi.
Husanov nega aynan ushbu klubni tanlagani, nima uchun 45-raqamni tanlagani xususida gapirdi.
“Manchester Siti” – dunyoning eng yaxshi jamoalaridan biri. Men bu yerga sovrin yutish uchun keldim. Men har doim qiyinchiliklarga uchrab kelganman... Hech narsada to‘xtash yo‘q. Bu nafaqat men uchun, balki butun O‘zbekiston uchun katta muvaffaqiyat.
Belarusdagi jamoamda 45-raqamda o‘ynaganman. Shu sabab bu yerda ham 45-raqamn tanladim.
Bu hali boshlanishi. Hali ko‘p o‘zbeklar Angliyada o‘ynashadi.
Otamning futbol o‘ynashini ko‘rib, menda ham qiziqish paydo bo‘lgan. Borganman...
“Manchester Siti” - dunyoning eng yirik jamoalaridan biri. Murabbiyi esa jahondagi eng yaxshilaridan. Bu yerga shu sabab keldim”, – deydi Husanov.
“Manchester Siti” klubi o‘zbekistonlik himoyachi Abduqodir Husanov bilan shartnoma imzoladi. Husanov va klub o‘rtasida 4,5 yillik shartnoma imzolanish kutilayotgan edi. Romano ham o‘z ijtimoiy tarmog‘idagi sahifasida shartnoma imzolanganini tasdiqladi. Kelishuvga ko‘ra, shartnomani yana bir yilga cho‘zish mumkin. Abduqodir o‘ziga 45-raqamni tanlagan.
Shu tariqa Abduqodir Husanov Angliya Premyer Ligasida o‘ynaydigan birinchi o‘zbek futbolchisiga aylanadi. Angliyaning yuqori divizionida futbolchilari o‘ynagan davlatlar soni esa 119 taga yetadi.
Ma’lumot uchun, “Lans” Husanovni 2023-yil iyul oyida “Energetik-BGU”dan 100 ming yevroga sotib olgandi.
Husanov Fransiya klubi safida 31 ta o‘yinda maydonga tushib, bir marta golli uzatma amalga oshirdi.
Izoh (0)