Abduqodir Husanov “Manchester Siti”da yiliga taxminan 3,5 mln yevro ishlab topadi. Bu haqda Husanovga yaqin manba bo‘lgan Narzulla Saydullayev xabar berdi.
Qayd etilishicha, Husanovning maoshi barcha soliqlarni qo‘shib hisoblaganda 3,5 mln yevroga yetadi. Soliqlarni chiqarib tashlaganda bu summa 1,97 mln yevrogacha qisqaradi.
“Manchester Siti” klubi o‘zbekistonlik himoyachi Abduqodir Husanov bilan 4,5 yilga mo‘ljallangan shartnoma imzoladi. Abduqodir o‘ziga 45-raqamni tanlagan.
Shu tariqa Abduqodir Husanov Angliya Premyer Ligasida o‘ynaydigan birinchi o‘zbek futbolchisiga aylanadi. Angliyaning yuqori divizionida futbolchilari o‘ynagan davlatlar soni esa 119 taga yetadi.
Ma’lumot uchun, “Lans” Husanovni 2023-yil iyul oyida “Energetik-BGU”dan 100 ming yevroga sotib olgandi. Husanov Fransiya klubi safida 31 ta o‘yinda maydonga tushib, bir marta golli uzatma amalga oshirdi.
Izoh (0)