NATO bosh kotibi Mark Ryutte Yevropa ittifoqiga aʼzo davlatlar aholisi mudofaa xarajatlarini YIMning 10 foizigacha oshirmasa, bir necha yil ichida rus tilini o‘rganishga majbur bo‘lishidan ogohlantirdi.
U 13-yanvar kuni Yevroparlamentdagi nutqi vaqtida tegishli bayonot bilan chiqdi.
“Agar mudofaani kuchaytirmasak, to‘rt-besh yildan keyin biz rus tili kurslariga qatnashga yoki Yangi Zelandiyaga ketishga majbur bo‘lamiz”, dedi Ryutte.
Shu munosabat bilan NATO bosh kotibi Yevropa ittifoqini NATOga aʼzo davlatlar shirkatlarining umumiy Yevropa assotsiatsiyasiga aʼzo bo‘lmagan kompaniyalarining mudofaa sanoatini rivojlantirishga sarmoya kiritishiga to‘sqinlik qilmaslikka chaqirdi.
Ryuttening so‘zlariga ko‘ra, taktik cheklovlar nafaqat mudofaa xarajatlarini oshirishga to‘siq bo‘libgina qolmay, balki ishlab chiqarishni murakkablashtiradi va innovatsiyalarga to‘sqinlik qiladi.
Mark Ryutte, shuningdek, alyansning harbiy salohiyatli maqsadlari mamlakatlardan mudofaa uchun YIMning 3,7 foizigacha mablag‘ sarflashini talab qilishi mumkinligini ta’kidladi. Ammo bu ko‘rsatkichni innovatsiyalar va qo‘shma xaridlar orqali kamaytirish mumkin, dedi u.
Avvalroq AQSHning saylangan prezidenti Donald Tramp NATO davlatlarining harbiy xarajatlarini yalpi ichki mahsulotning 2 foizidan 5 foizigacha oshirish zarurligi haqida o‘z fikrini bildirgan va bu borada Vilnyusdagi sammitda kelishib olingan edi. Biroq Reuters ta’kidlashicha, bu alyansning 32 a’zosining aksariyati uchun deyarli imkonsiz daraja.
Izoh (0)