Isroil bosh vaziri Binyamin Netanyaxu 20-yanvar kuni AQSHning saylangan prezidenti Donald Trampning inauguratsiya marosimida ishtirok etishdan bosh tortdi, deb xabar berdi Times of Israel.
Netanyaxuning Tramp lavozimiga kirishish marosimidagi ishtirokiga oid rejalari o‘zgarishi sabablari ma’lum qilinmadi.
2024-yilning 6-noyabr kuni isroillik siyosatchi Trampni prezidentlik saylovidagi g‘alabasi bilan tabriklagan. Netanyaxu uning saylanishini “tarixdagi eng buyuk qaytish” deb atagan.
“Trampning g‘alabasi Isroil va Amerika o‘rtasidagi buyuk ittifoqning qudratli yangilanishini anglatadi”, degan edi Netanyaxu.
Donald Trampning inauguratsiyasi joriy yilning 20-yanvar kuni bo‘lib o‘tadi. Tramp avvalgi saylovlarda mag‘lubiyatga uchraganidan keyin davlat rahbari lavozimiga qayta olgan XIX asrdagi AQSH prezidentlarining birinchisi bo‘ldi.
Bir kun avval Tramp agar Falastinning HAMAS harakati inauguratsiyaga qadar garovda ushlab turilganlarni ozod qilmasa, ularga nisbatan qattiq choralar ko‘rishga va’da bergan edi.
“Agar garovga olinganlar qaytib kelmasa, jahannam boshlanadi. Men muzokaralarga xalaqit berishni xohlamayman, lekin agar ular men lavozimga kirishishimga qadar qaytarilmasa, Yaqin Sharqda haqiqiy do‘zax boshlanadi. Bu HAMAS uchun, to‘g‘risini aytganda, hamma uchun ham yomon bo‘ladi”, dedi Tramp.
Uning ta’kidlashicha, garovga olinganlar bilan bog‘liq vaziyat 2023-yil 7-oktyabrda HAMASning Isroil hududiga hujumi oqibati ekanini qo‘shimcha qildi.
Izoh (0)