“Barselona” klubi Dani Olmo hamda Pau Viktorni vaqtincha ro‘yxatdan o‘tkazdi.
Ispaniya sport kengashi apellyatsiya qarori chiqarilgunga qadar futbolchilarga jamoa tarkibida barcha turnirlarda o‘ynashga ruxsat berdi.
Ikki futbolchi bir necha daqiqalardan so‘ng boshlanadigan “Atletik”ga qarshi bahsda ham maydonga tushishi mumkin.
Avvalroq Ispaniya futbol federatsiyasi (RFEF) “Barselona”ning 2024/2025 yilgi mavsumning ikkinchi yarmi uchun yarim himoyachi Daniel Olmo va hujumchi Pau Viktorni tarkibga kiritish haqidagi iltimosini rad etgani xabar berilgan edi.
Keyinroq “Barselona” futbolchini ro‘yxatdan o‘tkazish bilan bog‘liq muammoni hal qilmasa, yarim himoyachisi Dani Olmoni mavsumning qolgan qismida ijaraga yubora olmasligi aytilgandi.
Klub Olmoni 2024-yilning yozida “RB Leypsig”dan 55 million yevroga sotib olgan va yil so‘nggigacha ro‘yxatdan o‘tkaza olgandi.
“Barselona” Olmo va Viktorni yangilangan “Kamp Nou” stadionida VIP o‘rindiqlarni sotish orqali ro‘yxatga olish uchun tegishli moliyaviy nazorat qoidalariga rioya qilishga harakat qildi, ammo bu yetarli deb topilmadi.
Dani Olmo “Barselona” safida o‘tgan olti oy davomida barcha turnirlarda 15 ta o‘yin o‘tkazib, 6 ta gol urdi va 1 ta golli uzatma amalga oshirdi. Pau Viktor 13 uchrashuvda qatnashdi va 2 ta gol urishga erishdi.
Izoh (0)